Túrkistan oblysy ákiminiń orynbasary Beisen Tájibaev Otyrar aýdanyna jumys saparymen arnaiy baryp, sondaǵy áleýmettik nysandardyń qurylysymen tanysty. Aldymen aýdan ákimdiginde aýdan turǵyndaryn jeke máseleleri boiynsha qabyldap, talap-tilekterin tyńdady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qabyldaýǵa kelgen azamattyń biri jastarǵa arnalǵan 2,5 paiyzdyq nesie alýǵa qoldaý kórsetýdi surady.
Mýzei salasynda qyzmet etetin jas maman elimizdiń ózge de óńirinen, shetelderden kelgen týristerge keramikalyq buiymdardy jasap, satýdy maqsat etip otyr.
Jeńildetilgen nesiege qajetti qurylǵylardy alyp, óz kásibin bastaǵysy keletinin jetkizdi. Jalpy elimizde jastardy qoldaýǵa arnalǵan baǵdarlamanyń bereri mol.
2023 jyly atalǵan baǵdarlama aiasynda Otyrar aýdany boiynsha 81 azamat 2,5 paiyzdyq nesie alyp, óz kásibin bastaǵan.
Túrkistan oblysy ákiminiń orynbasary Beisen Dáýletuly kieli Otyrar aýdany týrizmdi damytýǵa qolaily aimaqtyń biri ekenin aityp, týristerge arnalǵan keramikalyq buiymdardy daiyndaýdyń mańyzdylyǵyna toqtaldy. Osy oraida aitylǵan usynystyń mańyzy zor ekenin atap ótti.
Budan bólek qabyldaý barysynda azamattar tarapynan jumysqa ornalasý, áleýmettik kómek alý sekildi birqatar ótinishter aitylyp, tiisti sala basshylaryna naqty tapsyrmalar júktedi.
Qabyldaýdan soń aýdan ákimi Sáken Sultanhanovpen birge aimaqtaǵy birqatar áleýmettik nysandardy aralap, jai-kúiimen tanysty. Aldymen «Sháýildir-Kóksarai» baǵytyndaǵy oblystyq mańyzy bar jol qurylysy jumystaryn kórdi.
Jumys sapary aýdandaǵy T.Ibragimov atyndaǵy jalpy bilim beretin mektebi men M.Shoimanov aýylyndaǵy 150 oryndyq mádeniet úiiniń qurylysyn aralaýmen jalǵasty.
T.Ibragimov atyndaǵy jalpy bilim beretin mektebi 2007 jyly salynǵan. Oqý ordasynda 92 muǵalim, 42 kishi qyzmetker jumys isteidi. Qazirgi tańda mektepte 567 oqýshy bilim alady. Mekteptiń materialdyq jaǵdaiy ortasha, edenderi tozǵan, esik-terezeleri eskirgen, ishki jáne syrtqy qabyrǵalaryna tolyq jóndeý jumystaryn júrgizýdi qajet etedi.
M.Shoimanov aýylyndaǵy 150 oryndyq mádeniet úiiniń qurylysy 2023 jyly bastalǵan bolatyn. 2024 jylǵa ótpeli. Tapsyrys berýshi mekeme aýdandyq sáýlet, qurylys jáne qala qurylysy bólimi. Atalǵan nysanǵa oblystyq biýdjetten tiisti qarjy qaralǵan. Jeńimpaz merdiger «IT Invest company» JShS-niń ókili qurylys jumystary aǵymdaǵy jyly tolyq aiaqtalatynyn jetkizdi.
Aralaý barysynda Sh.Qaldaiaqov atyndaǵy jalpy bilim beretin mektep-gimnaziiasynyń syrtqy qabyrǵalaryn qaptaý, sondai-aq ortalyqtandyrylǵan káriz júiesine qosý máselesi kóterildi. Atalǵan mektep 1969 jyly salynyp, 1970 jyly paidalanýǵa berilgen. Beisenbai Dáýletuly oqýshylardyń sapaly bilim alýy úshin olarǵa qolaily jaǵdai jasaýdyń mańyzdylyǵyn aityp, kóterilgen máseleni óz baqylaýyna alatynyn aitty.
Aýdandaǵy áleýmettik mańyzy úlken nysannyń biri – Sháýildir aýylynda salynyp jatqan 600 oryndyq mektep jaiy. «Jaily mektep» ulttyq jobasy aiasynda salynyp jatqan bilim oshaǵyn «Melioservis K» JShS-i 2023 jyly óz qarjysy esebinen bastaǵan. Qazirgi tańda mekteptiń irgetasy quiylyp, qabyrǵalary kóterilýde. Jańa mektep jaiy 2024 jyly aiaqtalyp, paidalanýǵa beriledi dep kútilýde.
Issapar barysynda Túrkistan oblysy ákiminiń orynbasary aýdandaǵy qurylys nysandaryn merziminen keshiktirmei, sapaly júrgizýdi jaýapty mekeme basshylaryna júktedi.
