– Elimiz egemendigin alǵannan keıin Elbasymyz Nursultan Nazarbaevtyń sarabdal saıasatynyń arqasynda memleketimizdiń aýyl sharýshylyǵy salasy ósip, órkendep, damyp keledi. Ol úshin kóptegen memlekettik baǵdarlamalar jasalyp, osy baǵytta tıisti jumystar atqarylýda. Búgingi mereke aıaynda ótip jatqan aýylsharýashylyǵy jármeńkesi aýyl sharýashylyǵy ónimderin satý men taratý, aýdanymyzdyń tabıǵı baılyqtaryn bolyp tabylady. Buǵan aýyl eńbekkerleriniń sińirgen eńbegi orasan. Sondyqtan da barsha aýdan turǵyndary men kásipkerlerdi «Altyn kúz – 2018» quttyqtaı otyryp, aýdan qoryn aýyl sharýashylyq ónimderine toltyra berińizder degim keledi, – dedi aýdan ákimi óz sózinde.
Azamattary eńbeksúıgish, yntymaǵy men birligi jarasqan Otyrar óńiri Táýelsizdigimizdiń 27 jylynda turaqty damý jolyna túsip, elimizdiń ilgeri basýyna ózindik úlesin qosyp keledi.
Bıylǵy jyly aýdanymyzdyń aýyl sharýashylyǵy salasy úshin jemisti jyl boldy dep aıtsaq qatelespeımiz. Jyl basynda 28 980 gektar jerdi ıgerý josparlanǵan bolsa, jospar 2572 gektar artyǵymen oryndalyp, 30 652 gektar ıaǵnı, 106 %-dy qurady. Onyń ishinde 10 000 gektar alqapqa Otyrardyń brendine aınalǵan júgeri daqyldary egildi. Osy jylǵy 9 aıdyń qorytyndysy boıynsha 12 mlrd 74 myń teńgeniń ónimderi óndirilip, kórsetkish 106,1%, qurady.
Sonymen qatar, aýdanymyz «Altyn asyq» baǵdarlamasy boıynsha 100,6%, «Qulan» baǵdarlamasy boıynsha 103,5 %, «Sybaǵa» baǵdarlamalarynyń oryndalýy boıynsha 101,5 %-dy qurap, oblysta aldyńǵy qatardan kórindi. Ótken jyldyń 9 aıymen salystyrǵanda osy jyly múıizdi iri qara basy – 105,3%, jylqy – 111,4%, qoı-eshki – 100,8%, túıe – 108,6% artyp otyr Jylyjaı salý, tereń qopsytý tehnologıasyn engizý, januıalyq sút fermalaryn salý jumystary jospardan artyǵymen oryndaldy.
Sondaı-aq sharýalardy uıymdastyra otyryp Iran memleketi, Arab Ámirlikterine 272 tonna qoı eti eksporttalyp, kórsetkish 105%-ǵa oryndalyp otyr.
Sharýa shattanyp, dıhan rýhanı kúsh-qýat alǵan merekede san salanyń úzdikteri marapattalyp, shırek ǵasyrda jetken jetistikter maqtanyshpen aıtyldy. İs-shara sońy konserttik baǵdarlamaǵa ulasyp, aýdan kórkemónerpazdary sharýa shattyǵyn eselep, ásem án, tátti kúımen kóptiń kóńilin kóterdi.
Dalanews.kz
