بۇگىن وتىرار اۋدانىندا «التىن كۇز» مەرەكەسى سالتاناتتى تۇردە اتالىپ ءوتتى. مەرەكەلىك شاراعا قاتىسقان اۋدان اكىمى ەرلان ايتاحانوۆ بارشا اۋىل شارۋاشىلىق سالاسىنىڭ ماماندارىن مەرەكەمەن قۇتتىقتاپ، ىزگى تىلەگىن جەتكىزدى.

– ەلىمىز ەگەمەندىگىن العاننان كەيىن ەلباسىمىز نۇرسۇلتان نازاربايەۆتىڭ سارابدال ساياساتىنىڭ ارقاسىندا مەملەكەتىمىزدىڭ اۋىل شارۋشىلىعى سالاسى ءوسىپ، وركەندەپ، دامىپ كەلەدى. ول ءۇشىن كوپتەگەن مەملەكەتتىك باعدارلامالار جاسالىپ، وسى باعىتتا ءتيىستى جۇمىستار اتقارىلۋدا. بۇگىنگى مەرەكە اياىندا ءوتىپ جاتقان اۋىلشارۋاشىلىعى جارمەڭكەسى اۋىل شارۋاشىلىعى ونىمدەرىن ساتۋ مەن تاراتۋ، اۋدانىمىزدىڭ تابيعي بايلىقتارىن بولىپ تابىلادى. بۇعان اۋىل ەڭبەككەرلەرىنىڭ سىڭىرگەن ەڭبەگى وراسان. سوندىقتان دا بارشا اۋدان تۇرعىندارى مەن كاسىپكەرلەردى «التىن كۇز – 2018» قۇتتىقتاي وتىرىپ، اۋدان قورىن اۋىل شارۋاشىلىق ونىمدەرىنە تولتىرا بەرىڭىزدەر دەگىم كەلەدى، – دەدى اۋدان اكىمى ءوز سوزىندە.

ازاماتتارى ەڭبەكسۇيگىش، ىنتىماعى مەن بىرلىگى جاراسقان وتىرار ءوڭىرى تاۋەلسىزدىگىمىزدىڭ 27 جىلىندا تۇراقتى دامۋ جولىنا ءتۇسىپ، ەلىمىزدىڭ ىلگەرى باسۋىنا وزىندىك ۇلەسىن قوسىپ كەلەدى.

بيىلعى جىلى اۋدانىمىزدىڭ اۋىل شارۋاشىلىعى سالاسى ءۇشىن جەمىستى جىل بولدى دەپ ايتساق قاتەلەسپەيمىز. جىل باسىندا 28 980 گەكتار جەردى يگەرۋ جوسپارلانعان بولسا، جوسپار 2572 گەكتار ارتىعىمەن ورىندالىپ، 30 652 گەكتار  ياعني، 106 %-دى قۇرادى. ونىڭ ىشىندە 10 000 گەكتار القاپقا وتىراردىڭ برەندىنە اينالعان جۇگەرى داقىلدارى ەگىلدى. وسى جىلعى 9 ايدىڭ قورىتىندىسى بويىنشا 12 ملرد 74 مىڭ تەڭگەنىڭ ونىمدەرى ءوندىرىلىپ، كورسەتكىش 106،1%، قۇرادى.

سونىمەن قاتار، اۋدانىمىز «التىن اسىق» باعدارلاماسى بويىنشا 100،6%، «قۇلان» باعدارلاماسى بويىنشا 103،5 %، «سىباعا» باعدارلامالارىنىڭ ورىندالۋى بويىنشا 101،5 %-دى قۇراپ، وبلىستا الدىڭعى قاتاردان كورىندى. وتكەن جىلدىڭ 9 ايىمەن سالىستىرعاندا وسى جىلى ءمۇيىزدى ءىرى قارا باسى – 105،3%، جىلقى – 111،4%، قوي-ەشكى – 100،8%، تۇيە – 108،6% ارتىپ وتىر جىلىجاي سالۋ، تەرەڭ قوپسىتۋ تەحنولوگياسىن ەنگىزۋ، جانۇيالىق ءسۇت فەرمالارىن سالۋ جۇمىستارى جوسپاردان ارتىعىمەن ورىندالدى.

سونداي-اق شارۋالاردى ۇيىمداستىرا وتىرىپ يران مەملەكەتى، اراب امىرلىكتەرىنە 272 توننا قوي ەتى ەكسپورتتالىپ، كورسەتكىش 105%-عا ورىندالىپ وتىر.

شارۋا شاتتانىپ، ديحان رۋحاني كۇش-قۋات العان مەرەكەدە سان سالانىڭ ۇزدىكتەرى ماراپاتتالىپ، شيرەك عاسىردا جەتكەن جەتىستىكتەر ماقتانىشپەن ايتىلدى. ءىس-شارا سوڭى كونسەرتتىك باعدارلاماعا ۇلاسىپ، اۋدان كوركەمونەرپازدارى شارۋا شاتتىعىن ەسەلەپ، اسەم ءان، ءتاتتى كۇيمەن كوپتىڭ كوڭىلىن كوتەردى.

 

Dalanews.kz