Ótemaqy salymshylardyń depozıtterine 2023 jyldyń 23 aqpanynan keıin, Otbasy bankine ótemaqy tóleýge arnalǵan qarajat túsken sátten bastap 2 jumys kúni ishinde aýdarylady.
Búginde bank óz klıentterinen jalpy somasy 116 mlrd teńgege 914 526 ótinish qabyldady.
Otbasy bank depozıtterinde jınaqtalǵan qarajat kólemi boıynsha eń joǵary soma - 52,9 mln teńgege teń. Ótemaqy tólemderiniń erejesine sáıkes, 20 mln teńgeden aspaıtyn salym somasyna 10% kóleminde ótemaqy esepteletin bolady. Jalpy 2022 jyldyń 23 aqpandaǵy jaǵdaı boıynsha bankte 20 mln teńge ótemaqy alatyn 3 080 depozıt bar.
Ótemaqy týraly qosymsha aqparat alý úshin Quanysh chat-botyna habarlasýǵa bolady.
Qazirdiń ózinde Otbasy bankiniń 1 500 000 astam klıenti atalmysh vırtýaldy keńesshiden qoldaý alady.
Táýilik boıy qyzmet kórsetetin bot WhatsApp jáne Telegram messendjerleri men Otbasy bank mobıldi qosymshasyna túsken salymshylar ótinishteriniń 85%-yn derbes óńdeıdi.
Quanysh chat-boty – banktiń qoldaý kórsetý qyzmetine habarlasýdyń balamaly joly. Ol kúndelikti 5000-nan astam paıdalanýshynyń habarlamalaryn sátti óńdeıdi.
+7 705 925 13 01 nómirin kontaktiler tizimine qosyp, avtomattandyrylǵan sıfrlyq kómekshige táýlik boıy habarlasýǵa bolady.
– Otbasy bankiniń salymshylar qory jyl saıyn artyp keledi, qazir bizge 2,5 mln qazaqstandyq senim artyp otyr. Jyl saıyn bank 600 myńnan astam depozıt ashyp, 80 myńǵa jýyq nesıe beredi. Al biz úshin árbir klıentpen jedel habarlasý, únemi baılanysta bolý mańyzdy.
Bankte birneshe keri baılanys arnalary bar, atap aıtsaq bul - baılanys ortalyǵy, beınebankıng jáne chat-bot. Sońǵysynyń kómegimen shottyń balamaly kodyn bilip, úzindi kóshirme alyp, birjolǵy zeınetaqy tólemderi (ári qaraı-BZT) men sýbsıdıalaý baǵdarlamasy boıynsha joldanǵan ótinimderdiń mártebesin bilýge bolady. Sondaı-aq Quanysh chat-boty banktiń qyzmetteri men ónimderi, ótemaqylar men memlekettik syılyqaqy týraly aqparat bere alady, - dedi «Otbasy bank» AQ Basqarma tóraǵasynyń orynbasary Nurlan Aqshanov.
Quanysh botyna baılanys ortalyǵynyń operatorlary qoldaý kórsetedi. Eger bot klıentke belgili bir máseleler boıynsha kómektese almasa, ol dıalogty bank qyzmetkerine aýdarady.
Operatorlar jumys aptasy boıy saǵat 9:00-den 20:00-ge deıin paıdalanýshylarmen baılanysta bolady, qalǵan ýaqytta chat-bot qyzmet etedi. Osylaısha tutynýshylarǵa táýlik boıy qoldaý kórsetiledi.
Qazir Otbasy bankinde qyzmetterdiń 80% qashyqtaǵy arnalar arqyly qyzmet kórsetedi. Tek ótken jyly olardyń kómegimen klıentter 3,2 mln tranzaksıa jasaǵan. Qazaqstandyqtar onlaın rejıminde qoldanatyn eń tanymaldary – Otbasy bankinde depozıt ashý, BZT aýdarý úshin arnaıy shot ashý, nesıeni ishinara óteý, derektemelerdi ózgertý, depozıtti toltyrý jáne nesıeni óteý.
