وتەماقى سالىمشىلاردىڭ دەپوزيتتەرىنە 2023 جىلدىڭ 23 اقپانىنان كەيىن، وتباسى بانكىنە وتەماقى تولەۋگە ارنالعان قاراجات تۇسكەن ساتتەن باستاپ 2 جۇمىس كۇنى ىشىندە اۋدارىلادى.
بۇگىندە بانك ءوز كليەنتتەرىنەن جالپى سوماسى 116 ملرد تەڭگەگە 914 526 ءوتىنىش قابىلدادى.
وتباسى بانك دەپوزيتتەرىندە جيناقتالعان قاراجات كولەمى بويىنشا ەڭ جوعارى سوما - 52،9 ملن تەڭگەگە تەڭ. وتەماقى تولەمدەرىنىڭ ەرەجەسىنە سايكەس، 20 ملن تەڭگەدەن اسپايتىن سالىم سوماسىنا 10% كولەمىندە وتەماقى ەسەپتەلەتىن بولادى. جالپى 2022 جىلدىڭ 23 اقپانداعى جاعداي بويىنشا بانكتە 20 ملن تەڭگە وتەماقى الاتىن 3 080 دەپوزيت بار.
وتەماقى تۋرالى قوسىمشا اقپارات الۋ ءۇشىن Quanysh چات-بوتىنا حابارلاسۋعا بولادى.
ءقازىردىڭ وزىندە وتباسى بانكىنىڭ 1 500 000 استام كليەنتى اتالمىش ۆيرتۋالدى كەڭەسشىدەن قولداۋ الادى.
تاۋىلىك بويى قىزمەت كورسەتەتىن بوت WhatsApp جانە Telegram مەسسەندجەرلەرى مەن Otbasy bank ءموبيلدى قوسىمشاسىنا تۇسكەن سالىمشىلار وتىنىشتەرىنىڭ 85%-ىن دەربەس وڭدەيدى.
Quanysh چات-بوتى – بانكتىڭ قولداۋ كورسەتۋ قىزمەتىنە حابارلاسۋدىڭ بالامالى جولى. ول كۇندەلىكتى 5000-نان استام پايدالانۋشىنىڭ حابارلامالارىن ءساتتى وڭدەيدى.
+7 705 925 13 01 ءنومىرىن كونتاكتىلەر تىزىمىنە قوسىپ، اۆتوماتتاندىرىلعان سيفرلىق كومەكشىگە تاۋلىك بويى حابارلاسۋعا بولادى.
– وتباسى بانكىنىڭ سالىمشىلار قورى جىل سايىن ارتىپ كەلەدى، ءقازىر بىزگە 2،5 ملن قازاقستاندىق سەنىم ارتىپ وتىر. جىل سايىن بانك 600 مىڭنان استام دەپوزيت اشىپ، 80 مىڭعا جۋىق نەسيە بەرەدى. ال ءبىز ءۇشىن ءاربىر كليەنتپەن جەدەل حابارلاسۋ، ۇنەمى بايلانىستا بولۋ ماڭىزدى.
بانكتە بىرنەشە كەرى بايلانىس ارنالارى بار، اتاپ ايتساق بۇل - بايلانىس ورتالىعى، بەينەبانكينگ جانە چات-بوت. سوڭعىسىنىڭ كومەگىمەن شوتتىڭ بالامالى كودىن ءبىلىپ، ءۇزىندى كوشىرمە الىپ، ءبىرجولعى زەينەتاقى تولەمدەرى (ءارى قاراي-بزت) مەن سۋبسيديالاۋ باعدارلاماسى بويىنشا جولدانعان وتىنىمدەردىڭ مارتەبەسىن بىلۋگە بولادى. سونداي-اق Quanysh چات-بوتى بانكتىڭ قىزمەتتەرى مەن ونىمدەرى، وتەماقىلار مەن مەملەكەتتىك سىيلىقاقى تۋرالى اقپارات بەرە الادى، - دەدى «وتباسى بانك» اق باسقارما ءتوراعاسىنىڭ ورىنباسارى نۇرلان اقشانوۆ.
Quanysh بوتىنا بايلانىس ورتالىعىنىڭ وپەراتورلارى قولداۋ كورسەتەدى. ەگەر بوت كليەنتكە بەلگىلى ءبىر ماسەلەلەر بويىنشا كومەكتەسە الماسا، ول ديالوگتى بانك قىزمەتكەرىنە اۋدارادى.
وپەراتورلار جۇمىس اپتاسى بويى ساعات 9:00-دەن 20:00-گە دەيىن پايدالانۋشىلارمەن بايلانىستا بولادى، قالعان ۋاقىتتا چات-بوت قىزمەت ەتەدى. وسىلايشا تۇتىنۋشىلارعا تاۋلىك بويى قولداۋ كورسەتىلەدى.
ءقازىر وتباسى بانكىندە قىزمەتتەردىڭ 80% قاشىقتاعى ارنالار ارقىلى قىزمەت كورسەتەدى. تەك وتكەن جىلى ولاردىڭ كومەگىمەن كليەنتتەر 3،2 ملن ترانزاكسيا جاساعان. قازاقستاندىقتار ونلاين رەجيمىندە قولداناتىن ەڭ تانىمالدارى – وتباسى بانكىندە دەپوزيت اشۋ، بزت اۋدارۋ ءۇشىن ارنايى شوت اشۋ، نەسيەنى ءىشىنارا وتەۋ، دەرەكتەمەلەردى وزگەرتۋ، دەپوزيتتى تولتىرۋ جانە نەسيەنى وتەۋ.
