Búgin Túrkistan oblysy Tólebı aýdanyndaǵy «Taý samaly» demalys aımaǵynda «AMANAT» partıasynyń jyl saıynǵy respýblıkalyq jastar saıası lageri óz jumysyn bastady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Partıa janyndaǵy «Jastar Rýhy» Jastar qanatynyń uıymdastyrýymen ótip jatqan aýqymdy sharaǵa respýblıkalyq mártebesi bar 3 qala men 17 óńirden 300-den astam delegattar qosyldy. Delegattar 4 kúnge sozylatyn sharada «Bir Tolqynda» dıalog alańynyń, taqyryptyq paneldik sesıalar men oqytý semınarlarynyń jumysyna qatysady.
Jastarǵa arnalǵan saıası lagerdiń jumysyna «Jastar rýhy» Jastar qanatynyń músheleri, depýtattar, jastardy qoldaý jónindegi respýblıkalyq jáne óńirlik keńesterdiń músheleri, jastar sanatyndaǵy qoǵamdyq pikir kóshbasshylary, jastar uıymdarynyń kóshbasshylary men ókilderi, eriktiler, eko-belsendiler, jas kásipkerler, ǵalymdar, sportshylar, shyǵarmashylyq jastar qatysyp jatyr.
Sharanyń maqsaty - belsendi qazaqstandyq jastardy partıalyq jobalar men bastamalardy iske asyrýǵa jumyldyrý, olardyń zamanaýı daǵdylardy ıgerýge qabiletin arttyrý maqsatynda ótip jatyr. Sondaı-aq bul shara jas belsendiler arasynan jańa tolqyndaǵy saıası kóshbasshylardy daıarlaýǵa múmkindikterdi keńeıtýge qyzmet etedi.
Ashylý saltanatynda jastar úshin jeke jáne kásibı qasıetterin damytýǵa arnalǵan túrli baǵyttaǵy trenıńter, tımbıldıngter jáne «Bir tolqynda» dıalog alańy ótkizilip, jastardy tolǵandyratyn túrli taqyryptar sheńberinde pikir almasýlar ótedi dep josparlanýda.
Jumysyn búgin resmı túrde bastaǵan respýblıkalyq saıası lager 24 tamyzǵa deıin jalǵasady.
Ashylý rásiminde «AMANAT» partıasynyń «Jastar Rýhy» Jastar qanatynyń tóraǵasy, Aqerke Iskanderova, sóz sóılep, partıanyń jas belsendilerin Túrkistan oblysynda kórgenine qýanyshty ekenin jetkizdi.
«Ortamyzdy toltyryp jatqandaryńyzǵa alǵysymyzdy bildirip, qosh keldińizder degim keledi. Lagerdiń jumysyn resmı túrde ashyq dep jarıalaımyz»,- dedi ol.
Lagerdiń birinshi kúnindegi baǵdarlamada qatysýshylar saıası lagerdiń ashylý saltanatyna qatysyp, tımbıldıngte jastar toptarǵa bólinip, demalys aımaǵynyń jumysymen tanysty. QUIZ oıyndary oınatylyp, ár óńirden kelip, bas qosqan jastardyń saýyq keshi aımaqtardyń konserttik baǵdarlamasymen jalǵasty.
