Qasym-Jomart Toqaev "Maily daqyldardyń tájiribelik sharýashylyǵy" JShS-ne bardy.
Kásiporyn daiyndaityn tuqymdar otandyq sharýalardyń arasynda joǵary suranysqa ie ári Resei Federatsiiasynyń 7 ólkesine eksporttalady, dep habarlaidy Dalanews Aqordaǵa silteme jasap.
Prezidentke kópjyldyq praktikalyq jáne ǵylymi-zertteý jumystarynyń nátijesinde suryptalǵan kúnbaǵystyń jańa býdandary, sondai-aq soia men bidai sorttary tanystyryldy.
Qasym-Jomart Toqaev elimizde maily daqyldardyń egistik alańyn kóbeitýdiń perspektivasy jóninde surady. Mekeme basshysy Farid Ábitaevtyń aitýynsha, sońǵy kezde maily daqyldardy egý kólemi jyl saiyn 12-15 paiyzǵa artyp keledi, sáikesinshe, naryqtaǵy suranys ta joǵary.
Buǵan qosa, mol jem-shóp qory men selektsiialyq jumysty saýatty júrgizýdiń arqasynda agroónerkásip kesheni sút ónimderi baǵytyndaǵy jetekshi mal sharýashylyǵynyń qataryna kirdi.
Búginde seriktestiktiń taýarly sút fermalarynda 3 myńǵa jýyq iri qara bar. Olardyń kóbi – golshtein-friz tuqymyna jatatyn siyrlar. Fermada táýligine 40 tonna sút óndirilip, elimizdegi tórt sút óńdeý zaýytyna jóneltiledi.
Memleket basshysy kásiporynnyń aýyl sharýashylyǵy ǵylymyndaǵy tabysyn oń baǵalap, mundai tájiribeni elimizdiń basqa óńirlerine taratý qajet ekenin aitty.
