Otan qorǵaýshy kúni qarsańynda Oqý-aǵartý ministri Ǵani Beisembaev mektepterde alǵashqy áskeri jáne tehnologiialyq daiyndyq páninen sabaq beretin 40 muǵalimdi vedomstvolyq nagradalarmen marapattady. Is-sharaǵa Qorǵanys ministriniń orynbasary Qanysh Ábýbákirov qatysty,- dep habarlaidy Dalanews.kz
Ministr ustazdardy merekemen quttyqtap, jastardy azamattyq jáne patriottyq qundylyqtarǵa tárbieleýde olardyń mańyzdy ról atqaratynyn atap ótti. Sonymen qatar, Oqý-aǵartý ministrligi men Qorǵanys ministrligi birlesip sport sektsiialaryn damytý, AÁTD kabinetterin jabdyqtaý, áskeri bólimderge ekskýrsiialar uiymdastyrý, «Jas sarbaz» qozǵalysyn qoldaý jáne kadrlar daiarlaý sapasyn arttyrý baǵytynda jumys júrgizip jatqanyn aitty.
«Qazirgi tańda elimizdiń mektepterinde 5 myńǵa jýyq AÁTD pániniń muǵalimi qyzmet etýde. Bul pán jas urpaqty tártipke, jaýapkershilikke baýlyp, áskeri qyzmet pen Otanǵa degen qurmetti qalyptastyrýda mańyzdy ról atqarady. Sizder – elin súietin, beibitshilikti qadirlei biletin óskeleń urpaqty tárbieleýge eleýli úles qosyp, erlik pen azamattyq boryshtyń mánin uǵyndyryp kelesizder», – dedi Ǵani Beisembaev.
Ministrdiń aitýynsha, óskeleń urpaqtyń rýhani-adamgershilik tárbiesi men azamattyq ustanymyn qalyptastyrý – bilim berý salasyndaǵy memlekettik saiasattyń negizgi basymdyqtarynyń biri.
Kásibi sheberligi men tárbie isine qosqan úlesi úshin 9 pedagog «Eńbek ardageri» medalimen, al 30-dan astam muǵalim «Bilim berý isiniń qurmetti qyzmetkeri» tósbelgisimen marapattaldy.
Jiyn sońynda ministr ustazdarǵa adal eńbegi úshin alǵys bildirip, pedagog mártebesin kóterý men qoldaýdyń ministrlik jumysynyń negizgi baǵyttarynyń biri ekenin atap ótti.
