وتان قورعاۋشى كٷنٸ قارساڭىندا وقۋ-اعارتۋ مينيسترٸ عاني بەيسەمباەۆ مەكتەپتەردە العاشقى ەسكەري جەنە تەحنولوگييالىق دايىندىق پەنٸنەن ساباق بەرەتٸن 40 مۇعالٸمدٸ ۆەدومستۆولىق ناگرادالارمەن ماراپاتتادى. ٸس-شاراعا قورعانىس مينيسترٸنٸڭ ورىنباسارى قانىش ەبۋبەكٸروۆ قاتىستى,- دەپ حابارلايدى Dalanews.kz
مينيستر ۇستازداردى مەرەكەمەن قۇتتىقتاپ, جاستاردى ازاماتتىق جەنە پاتريوتتىق قۇندىلىقتارعا تەربيەلەۋدە ولاردىڭ ماڭىزدى رٶل اتقاراتىنىن اتاپ ٶتتٸ. سونىمەن قاتار, وقۋ-اعارتۋ مينيسترلٸگٸ مەن قورعانىس مينيسترلٸگٸ بٸرلەسٸپ سپورت سەكتسييالارىن دامىتۋ, اەتد كابينەتتەرٸن جابدىقتاۋ, ەسكەري بٶلٸمدەرگە ەكسكۋرسييالار ۇيىمداستىرۋ, «جاس سارباز» قوزعالىسىن قولداۋ جەنە كادرلار دايارلاۋ ساپاسىن ارتتىرۋ باعىتىندا جۇمىس جٷرگٸزٸپ جاتقانىن ايتتى.
«قازٸرگٸ تاڭدا ەلٸمٸزدٸڭ مەكتەپتەرٸندە 5 مىڭعا جۋىق اەتد پەنٸنٸڭ مۇعالٸمٸ قىزمەت ەتۋدە. بۇل پەن جاس ۇرپاقتى تەرتٸپكە, جاۋاپكەرشٸلٸككە باۋلىپ, ەسكەري قىزمەت پەن وتانعا دەگەن قۇرمەتتٸ قالىپتاستىرۋدا ماڭىزدى رٶل اتقارادى. سٸزدەر – ەلٸن سٷيەتٸن, بەيبٸتشٸلٸكتٸ قادٸرلەي بٸلەتٸن ٶسكەلەڭ ۇرپاقتى تەربيەلەۋگە ەلەۋلٸ ٷلەس قوسىپ, ەرلٸك پەن ازاماتتىق بورىشتىڭ مەنٸن ۇعىندىرىپ كەلەسٸزدەر», – دەدٸ عاني بەيسەمباەۆ.
مينيستردٸڭ ايتۋىنشا, ٶسكەلەڭ ۇرپاقتىڭ رۋحاني-ادامگەرشٸلٸك تەربيەسٸ مەن ازاماتتىق ۇستانىمىن قالىپتاستىرۋ – بٸلٸم بەرۋ سالاسىنداعى مەملەكەتتٸك ساياساتتىڭ نەگٸزگٸ باسىمدىقتارىنىڭ بٸرٸ.
كەسٸبي شەبەرلٸگٸ مەن تەربيە ٸسٸنە قوسقان ٷلەسٸ ٷشٸن 9 پەداگوگ «ەڭبەك ارداگەرٸ» مەدالٸمەن, ال 30-دان استام مۇعالٸم «بٸلٸم بەرۋ ٸسٸنٸڭ قۇرمەتتٸ قىزمەتكەرٸ» تٶسبەلگٸسٸمەن ماراپاتتالدى.
جيىن سوڭىندا مينيستر ۇستازدارعا ادال ەڭبەگٸ ٷشٸن العىس بٸلدٸرٸپ, پەداگوگ مەرتەبەسٸن كٶتەرۋ مەن قولداۋدىڭ مينيسترلٸك جۇمىسىنىڭ نەگٸزگٸ باعىتتارىنىڭ بٸرٸ ەكەنٸن اتاپ ٶتتٸ.
