Tanymal rejisser Aqan Sataevtyń qyzy Mariiam Satai áleýmettik jelidegi paraqshasynda aýyr jaǵdaidy bastan ótkergenin aitty, dep habarlaidy dalanews.kz.
Sn.kz málimetinshe, ol qursaǵyndaǵy úsh ailyq sábiinen aiyrylyp qalǵanyn jazdy. Mariiam bul taqyryptyń kóp aityla bermeitinin, alaida mundai synaqtan kóptegen áiel ótetinin jetkizdi.
"Árbir júktilik sábiimen qaýyshýmen aiaqtala bermeidi. Men úsh ai boiy júregimniń bir bólshegin boiymda kóterip júrdim. Qatty toksikozdan qinaldym, júktilikti saqtap qalý úshin kúrestim, jospar qurdym, kúttim, talai sezimdi bastan ótkerdim… Alaida damymai qalǵan júktilikke tap boldym. Mundai joǵaltýlar týraly kóp aityla bermeidi. Biraq bul synaqtan oilaǵanymyzdan áldeqaida kóp áiel ótedi. Árqaisyńyzdy qushaqtaimyn! Barlyǵy da Allanyń qalaýymen", – dep jazdy ol.
Jeli qoldanýshylary Mariiamǵa qoldaý bildirip, jyly lebizderin jazyp jatyr. Kópshilik oǵan sabyr, kúsh-qýat tilep, mundai aýyr sátte jalǵyz emes ekenin aityp jubatty.
