Óskemen qalasyna jańa ákim taǵaiyndaldy. Buǵan deiin bul qyzmetti Jaqsylyq Omar atqarǵan, dep habarlaidy Dalanews.kz.
QR Prezidentiniń Ákimshiligimen jáne qalalyq máslihat depýtattarymen kelise otyryp, Shyǵys Qazaqstan oblysy ákiminiń ókimimen Aqyshov Almat Talǵatuly Óskemen qalasy ákiminiń laýazymyna taǵaiyndaldy.
Ol - Shyǵys Qazaqstannyń týmasy. Óskemende ósip, eńbek jolyn da osynda bastaǵan. Ár jyldary týrizm, dene shynyqtyrý jáne sport basqarmasynda, aýyl sharýashylyǵy ministrliginde qyzmet atqardy. Ulan aýdany apparatynyń basshysy, Aiagóz aýdany ákiminiń orynbasary, ShQO Energetika jáne turǵyn úi-kommýnaldyq sharýashylyq basqarmasynyń basshysy boldy. Sońǵy eki jylda Kúrshim aýdanynyń ákimi laýazymynda jumys istedi. Eńbek ótili 14 jyldy quraidy, onyń 12 jyly memlekettik qyzmette ótti. Sondai-aq Almat Talǵatuly Prezidenttik jastar kadrlyq rezerviniń múshesi, onyń óńirlerdi damytý salasy boiynsha magistrlik dárejesi de bar.
Shyǵys Qazaqstan oblysynyń ákimi Ermek Kósherbaev Almat Aqyshovtyń ekonomika, energetika jáne turǵyn úi-kommýnaldyq sharýashylyq salasyndaǵy mol tájiribesin eskerip, oǵan oblys ortalyǵynyń áleýmettik-ekonomikalyq kórsetkishterin damytýdy qamtamasyz etýde zor jaýapkershilik artylatynyn atap ótti.
Aimaq basshysy jańa taǵaiyndalǵan ákimge ekologiia men kóshelerdi jaryqtandyrý máselelerin nazarǵa ala otyryp, qalany odan ári damytý boiynsha usynystar ázirleýdi tapsyrdy. Sonymen qatar ekonomika, qurylys, abattandyrý jáne áleýmettik saladaǵy mańyzdy jobalardy aiaqtaýdy júktedi.
Týristik áleýetti arttyryp, oblys ortalyǵynyń kelbetin jaqsartý úshin biznes nysandardyń biryńǵai dizain-kodyn engizý týraly usynystar daiyndaý tapsyryldy.
Sondai-aq oblys ákimi qalanyń mańyzdy ári serpindi jobalaryn júzege asyrý úshin investorlardy tartyp, osy jáne basqa da tapsyrmalar jóninde tiisti jol kartasyn daiyndap, tez arada bekitýge usynýdy júktedi.
- Qala turǵyndary óz aýyzbirshiligin kórsetip, Óskemenniń ózekti máselelerin sheshýge belsene atsalysady dep oilaimyn, - dedi Ermek Kósherbaev.
