Shyǵys Qazaqstan oblysy dene shynyqtyrý jáne sport basqarmasynyń basshysy qatysqan jinalysta túsirilgen video boiynsha isti Memlekettik qyzmet isteri agenttiginiń departamenti qaraityn boldy, dep habarlaidy Dalanews.kz.
"Shyǵys Qazaqstan oblysy dene shynyqtyrý jáne sport basqarmasynyń basshysy qatysqan jinalysta túsirilgen video boiynsha kelesini habarlaimyz: QR Memlekettik qyzmet isteri agenttiginiń ShQO boiynsha departamenti etikalyq kodeks talaptarynyń buzylýy faktisi boiynsha tártiptik is qozǵap, qyzmettik tekserý bastady. Sonyń nátijeleri ShQO Ádep jónindegi keńeste qaralady. Sonymen qatar oblys ákimi apparatynyń ádep jónindegi ýákili túsindirý jumystaryn júrgizdi. Taǵy qosymsha aqparattar túsken kezde habarlap otyramyz", delingen oblys ákimdiginiń túsiniktemesinde.
Buǵan deiin 1 qazanda áleýmettik jelide oblys ákimdiginiń onlain otyrysynyń video kóshirmesi tarady. Videodan basqarma basshysynyń mindetin atqarýshy Asqar Mojanovtyń ádepsiz sózder aitqanyn kórýge bolady. Týrizm jáne sport ministrliginiń baspasóz hatshysy Balym Adamidenova óz qaramaǵyndaǵy qyzmetker áreketine qatysty túsinikteme bergen bolatyn.
