شىعىس قازاقستان وبلىسى دەنە شىنىقتىرۋ جانە سپورت باسقارماسىنىڭ باسشىسى قاتىسقان جينالىستا تۇسىرىلگەن ۆيدەو بويىنشا ءىستى مەملەكەتتىك قىزمەت ىستەرى اگەنتتىگىنىڭ دەپارتامەنتى قارايتىن بولدى، دەپ حابارلايدى Dalanews.kz.
"شىعىس قازاقستان وبلىسى دەنە شىنىقتىرۋ جانە سپورت باسقارماسىنىڭ باسشىسى قاتىسقان جينالىستا تۇسىرىلگەن ۆيدەو بويىنشا كەلەسىنى حابارلايمىز: ق ر مەملەكەتتىك قىزمەت ىستەرى اگەنتتىگىنىڭ شقو بويىنشا دەپارتامەنتى ەتيكالىق كودەكس تالاپتارىنىڭ بۇزىلۋى فاكتىسى بويىنشا تارتىپتىك ءىس قوزعاپ، قىزمەتتىك تەكسەرۋ باستادى. سونىڭ ناتيجەلەرى شقو ادەپ جونىندەگى كەڭەستە قارالادى. سونىمەن قاتار وبلىس اكىمى اپپاراتىنىڭ ادەپ جونىندەگى ۋاكىلى ءتۇسىندىرۋ جۇمىستارىن جۇرگىزدى. تاعى قوسىمشا اقپاراتتار تۇسكەن كەزدە حابارلاپ وتىرامىز"، دەلىنگەن وبلىس اكىمدىگىنىڭ تۇسىنىكتەمەسىندە.
بۇعان دەيىن 1 قازاندا الەۋمەتتىك جەلىدە وبلىس اكىمدىگىنىڭ ونلاين وتىرىسىنىڭ ۆيدەو كوشىرمەسى تارادى. ۆيدەودان باسقارما باسشىسىنىڭ مىندەتىن اتقارۋشى اسقار موجانوۆتىڭ ادەپسىز سوزدەر ايتقانىن كورۋگە بولادى. تۋريزم جانە سپورت مينيسترلىگىنىڭ باسپا ءسوز حاتشىسى بالىم اداميدەنوۆا ءوز قاراماعىنداعى قىزمەتكەر ارەكەتىنە قاتىستى تۇسىنىكتەمە بەرگەن بولاتىن.
