Tatiana Mironiýk QR Mádeniet jáne aqparat ministrliginiń qoldaýymen "Birgemiz: áreket ýaqyty" volonterlik salasyndaǵy is-sharalar keshenin uiymdastyrý jobasyn iske asyrý sheńberinde volonterlikti memlekettik qoldaý standartyn birjolǵy engizý maqsatynda Respýblikalyq mańyzy bar 17 oblysta jáne 3 qalada is-sharalar men kezdesýler keshenin ótkizýdiń bastalǵany týraly aityp ótti.
– Óskemende biz eki kúndik is-shara ótkizdik, bul memlekettik qyzmetshilerdi oqytý boiynsha seminar, sondai-aq eriktiler quramdas bóligimen ózara is-qimyl jasaityn ÚEU, azamattyq sektorlar. Meniń oiymsha, shara joǵary deńgeide ótti, – dedi Ulttyq volonterlik jelisiniń atqarýshy direktory Tatiana Mironiýk
Bul is-sharanyń mańyzdylyǵy Qazaqstanda da, halyqaralyq arenada da volonterlik salaǵa degen qyzyǵýshylyqtyń artýyna bailanysty. Buǵan Prezident Qasym-Jomart Toqaevtyń aǵymdaǵy jyldyń maýsym aiynda ótken halyqaralyq volonterler forýmynda sóilegen sózi dálel.
Onda Prezident memleket pen qoǵamnyń volonterlik qyzmet salasyndaǵy senimdi áriptestigin qalyptastyrýdyń mańyzdylyǵyn atap ótti. Sondai-aq, Memleket basshysy Qazaqstanda volonterlikti damytýdyń 2021-2023 jyldarǵa arnalǵan Jol kartasy aiasynda birqatar tabysty jobalar iske asyrylǵanyn jáne bizdiń qoǵamda eriktilik pen qaiyrymdylyq dástúrlerin nyǵaitý úshin keshendi qadamdar usynǵanyn basa aitty.
Sonymen qatar Shyǵys Qazaqstan oblysynda 3,6 mln teńgege volonterlikti damytý jobasy iske asyrylýda. Jobany qoǵamdyq damý basqarmasy memlekettik áleýmettik tapsyrys sheńberinde júzege asyrady.
– Búgingi tańda oblys boiynsha 2411 erikti jumys isteidi. 2020 jyly "Eriktiler jyly" aiasynda elimizdiń prezidenti Qasym-Jomart Toqaevtyń tapsyrmasy boiynsha "oblystyq jastar resýrstyq ortalyǵy" KMM bazasynda 11 qala men aýdandarda volonterlerdiń óńirlik front-ofisi quryldy, – dedi Daniiar Júnisov.
Budan ózge, oblysta 2021-2023 jyldarǵa arnalǵan volonterlikti damytý jónindegi respýblikalyq jol kartasy iske asyrylýda. Jol kartasyna sáikes 8 baǵyt boiynsha, atap ótsek «Bilim», «Salaýat», «Sabaqtastyq», «Taza álem», «Asyl Mura», «Qamqor», «Úmit» «Aiala» jumystar júrgizilýde.
ShQO eriktileri Siriia men Túrkiiadaǵy jer silkinisterinen zardap shekkenderge 10 tonnadan astam gýmanitarlyq kómek jáne Abai oblysynda bolǵan oqiǵalarǵa bailanysty eriktiler 20 tonnadan astam gýmanitarlyq júk jiberdi. Brifing barysynda Daniiar Júnisov búginde barlyq baǵyttar boiynsha jumystar júrgizilip jatqanyn jetkizdi.
