تاتيانا ميرونيۋك ق ر مادەنيەت جانە اقپارات مينيسترلىگىنىڭ قولداۋىمەن "Birgemiz: áreket ýaqyty" ۆولونتەرلىك سالاسىنداعى ءىس-شارالار كەشەنىن ۇيىمداستىرۋ جوباسىن ىسكە اسىرۋ شەڭبەرىندە ۆولونتەرلىكتى مەملەكەتتىك قولداۋ ستاندارتىن ءبىرجولعى ەنگىزۋ ماقساتىندا رەسپۋبليكالىق ماڭىزى بار 17 وبلىستا جانە 3 قالادا ءىس-شارالار مەن كەزدەسۋلەر كەشەنىن وتكىزۋدىڭ باستالعانى تۋرالى ايتىپ ءوتتى.
– وسكەمەندە ءبىز ەكى كۇندىك ءىس-شارا وتكىزدىك، بۇل مەملەكەتتىك قىزمەتشىلەردى وقىتۋ بويىنشا سەمينار، سونداي-اق ەرىكتىلەر قۇرامداس بولىگىمەن ءوزارا ءىس-قيمىل جاسايتىن ۇەۇ، ازاماتتىق سەكتورلار. مەنىڭ ويىمشا، شارا جوعارى دەڭگەيدە ءوتتى، – دەدى ۇلتتىق ۆولونتەرلىك جەلىسىنىڭ اتقارۋشى ديرەكتورى تاتيانا ميرونيۋك
بۇل ءىس-شارانىڭ ماڭىزدىلىعى قازاقستاندا دا، حالىقارالىق ارەنادا دا ۆولونتەرلىك سالاعا دەگەن قىزىعۋشىلىقتىڭ ارتۋىنا بايلانىستى. بۇعان پرەزيدەنت قاسىم-جومارت توقايەۆتىڭ اعىمداعى جىلدىڭ ماۋسىم ايىندا وتكەن حالىقارالىق ۆولونتەرلەر فورۋمىندا سويلەگەن ءسوزى دالەل.
وندا پرەزيدەنت مەملەكەت پەن قوعامنىڭ ۆولونتەرلىك قىزمەت سالاسىنداعى سەنىمدى ارىپتەستىگىن قالىپتاستىرۋدىڭ ماڭىزدىلىعىن اتاپ ءوتتى. سونداي-اق، مەملەكەت باسشىسى قازاقستاندا ۆولونتەرلىكتى دامىتۋدىڭ 2021-2023 جىلدارعا ارنالعان جول كارتاسى اياسىندا ءبىرقاتار تابىستى جوبالار ىسكە اسىرىلعانىن جانە ءبىزدىڭ قوعامدا ەرىكتىلىك پەن قايىرىمدىلىق داستۇرلەرىن نىعايتۋ ءۇشىن كەشەندى قادامدار ۇسىنعانىن باسا ايتتى.
سونىمەن قاتار شىعىس قازاقستان وبلىسىندا 3،6 ملن تەڭگەگە ۆولونتەرلىكتى دامىتۋ جوباسى ىسكە اسىرىلۋدا. جوبانى قوعامدىق دامۋ باسقارماسى مەملەكەتتىك الەۋمەتتىك تاپسىرىس شەڭبەرىندە جۇزەگە اسىرادى.
– بۇگىنگى تاڭدا وبلىس بويىنشا 2411 ەرىكتى جۇمىس ىستەيدى. 2020 جىلى "ەرىكتىلەر جىلى" اياسىندا ەلىمىزدىڭ پرەزيدەنتى قاسىم-جومارت توقايەۆتىڭ تاپسىرماسى بويىنشا "وبلىستىق جاستار رەسۋرستىق ورتالىعى" كمم بازاسىندا 11 قالا مەن اۋدانداردا ۆولونتەرلەردىڭ وڭىرلىك ءفرونت-وفيسى قۇرىلدى، – دەدى دانيار ءجۇنىسوۆ.
بۇدان وزگە، وبلىستا 2021-2023 جىلدارعا ارنالعان ۆولونتەرلىكتى دامىتۋ جونىندەگى رەسپۋبليكالىق جول كارتاسى ىسكە اسىرىلۋدا. جول كارتاسىنا سايكەس 8 باعىت بويىنشا، اتاپ وتسەك «ءبىلىم»، «سالاۋات»، «ساباقتاستىق»، «تازا الەم»، «اسىل مۇرا»، «قامقور»، «ءۇمىت» «ايالا» جۇمىستار جۇرگىزىلۋدە.
شقو ەرىكتىلەرى سيريا مەن تۇركياداعى جەر سىلكىنىستەرىنەن زارداپ شەككەندەرگە 10 توننادان استام گۋمانيتارلىق كومەك جانە اباي وبلىسىندا بولعان وقيعالارعا بايلانىستى ەرىكتىلەر 20 توننادان استام گۋمانيتارلىق جۇك جىبەردى. بريفينگ بارىسىندا دانيار ءجۇنىسوۆ بۇگىندە بارلىق باعىتتار بويىنشا جۇمىستار جۇرگىزىلىپ جاتقانىن جەتكىزدى.
