Búgin Mádeniet jáne ulttyq dástúrler kúnine orai Óskemen qalasyndaǵy oblystyq tarihi-ólketaný mýzeii «Iýbileinyi» kinoteatrynda qala turǵyndary men qonaqtaryna buryn sońdy bolyp kórmegen «Babalar izimen» atty erekshe kórme uiymdastyrdy, – dep habarlaidy Dalanews.kz ShQO ákiminiń baspasóz qyzmetine silteme jasap.
Halqymyzdyń ejelgi dáýirden búgingi kúnge deiingi uly tarihyna tereń boilaýǵa múmkindik beretin tamasha shara «ejelgi dáýirdiń jandanǵan beineleri» men tarihi jańǵyrtpalar álemine engizedi.
Muralardy saqtap, ótkenimizge kóz júgirtý úshin uiymdastyrylǵan jańa formattaǵy kórmeniń ereksheligi – kórermender ejelgi dáýirdiń tarihi rekonstrýktsiialary arqyly babalarymyzdyń ómirin, turmysy men mádenietin jańasha qyrynan tamashalai alady.
Bul – tek eksponattardy tamashalaý emes, sonymen qatar ejelgi adamdardyń dúnietanymyn, rýhani mádenietin, tarihi murasyn jandy keiipkerler arqyly seziný múmkindigi. Kórme aiasynda túrli dáýirlerdiń kórkem óneri, músinderi, turmys buiymdary, kiimderi men sán-saltanatyn kórsetetin eksponattar ornalasqan. Árbir jádigerdiń artynda erekshe bir tarih jatyr, al kórmede sol tarihty qaita jandandyrý maqsat etilgen.
Erekshe qyzyǵýshylyq týǵyzǵan tarihi rekonstrýktsiialardyń biri – altynnan jasalǵan túrki qaǵanynyń beinesi. Bul beinede táj kiip, taqta otyrǵan qaǵannyń asqaq músini kórmeniń erekshe jádigerine ainaldy. Tarihi-mádeni turǵyda qundy bul artefakt ejelgi túrki qoǵamynyń dini, saiasi ideologiiasyn aishyqtaidy.
Budan bólek, kórmede usynylǵan tarihi jádigerler bizdiń zamanymyzdan burynǵy VIII-VII ǵasyrlarǵa jatatyn saq mádenietiniń elitalyq eskertkishteri – Berel patshalar jazyǵynan tabylǵan ataqty áieldiń, Eleke sazy alqabynyń elitalyq qorǵanynan tabylǵan jaýyngerdiń, Tasaryq qorǵanynan tabylǵan abyz áieldiń jáne Qimaq jaýynger-mýzykanttyń saltanatty kiimdegi jandanǵan beineleri tereń tarihymyzdan syr shertedi.
– Sharanyń maqsaty – uly dala tarihyn ulyqtap, ulttyq qundylyqtarymyzdy jastarǵa keńinen nasihattai otyryp, ótken men búginniń sabaqtastyǵyn kórsetý.
Bul kórme qoǵamǵa ótken zamannyń mádenieti men óneriniń, onyń ishinde ejelgi halyqtardyń ómir salty men dúnietanymyn tereńirek túsinýge múmkindik beredi. Kórmede sol dáýirlerdiń sán-saltanaty men ómiri, sonymen qatar óner týyndylary men jádigerleri kórsetiledi. Kórme kelýshiler úshin tegin. Barsha qala turǵyndary men qonaqtaryn ótken tarihymyzǵa saiahat jasaýǵa shaqyramyz, – deidi oblystyq tarihi-ólketaný mýzeiiniń bólim meńgerýshisi Alfiia Baqbaeva.
«Ejelgi dáýirdiń jandanǵan beineleri» kórmesi jas urpaqtyń tarihqa, mádenietke jáne ónerge degen qyzyǵýshylyǵyn arttyrýǵa yqpal etedi. Árbir jádiger jas urpaqqa syrǵa toly tarihymyzdyń túp-tamyryn ashyp, mádenietimizdiń bailyǵyn kórsetedi.
