Óskemende oqýshylar Abai shyǵarmashylyǵy boiynsha bilimderin shyńdady
ShQO Aqparat ortalyǵynyń málimetinshe, shara barysynda qazaqtyń bas aqyny Abaidyń ǵylym men mádenietke qosqan úlesi ashyp kórsetildi. Budan bólek, onlain sabaqqa qatysýshylarǵa hakimniń ómiri men shyǵarmashylyǵy jan-jaqty tanystyryldy.
«Dáristen soń balalar uly aqynnyń shyǵarmashylyǵyna bailanysty suraqtardan quralǵan kvestke qatysyp, bilimderin shyńdady. Oqýshylar kvesttegi saýaldarǵa úsh tilde jaýap berdi. Sondai-aq olar Abaidyń ómiri men shyǵarmashylyǵyna arnalǵan jańa kitappen tanysty. Shara sońynda mektep oqýshylary uiymdastyrýshylarǵa alǵystaryn bildirip, bolashaqta osy onlain dáristen alǵan bilimderin kádege jaratyndaryn jetkizdi», - delingen málimette.
