Óskemen qalasynda Shyǵys Qazaqstan oblysynyń ákimdigi men Qytaidyń Guangdong Huaxintao Group Co., Ltd. kompaniiasy arasynda taý-ken jáne metallýrgiia ónerkásibiniń qatty mineraldy qaldyqtaryn ekologiialyq taza kádege jaratý jáne qaita óńdeý jobasyn júzege asyrý boiynsha bes jyldyq yntymaqtastyq týraly memorandýmǵa qol qoiyldy,- dep habarlaidy Dalanews.kz
Joba aiasynda óndiristik qaldyqtardy qaita óńdep, paidaly komponentterdi alý úshin zamanaýi tehnologiialardy engizý kózdelgen.
Oblys ákimi Nurymbet Saqtaǵanov atap ótkendei, Shyǵys Qazaqstan mineraldy resýrstarǵa bai óńir, sondyqtan mundai bastamalar ekologiialyq máselelerdi sheshýge jáne ornyqty «jasyl» ekonomikany qurýǵa baǵyttalǵan mańyzdy qadam bolyp tabylady.
Taraptar jobany halyqaralyq standarttar men Qazaqstan zańnamasyna sáikes júzege asyrýǵa kelisti. Memorandýmda jergilikti mamandardy basymdyqpen jumysqa alý, infraqurylymdy damytý jáne biznestiń áleýmettik jaýapkershiligine erekshe kóńil bólingen.
Qytailyq áriptesterdiń jabdyqtary men tehnologiialary qorshaǵan ortaǵa tehnogendik júktemeni azaityp qana qoimai, jańa jumys oryndaryn ashýǵa jáne Qazaqstan men Qytai arasyndaǵy transshekaralyq yntymaqtastyqty nyǵaitýǵa múmkindik beredi.
