وسكەمەن قالاسىندا شىعىس قازاقستان وبلىسىنىڭ اكىمدىگى مەن قىتايدىڭ Guangdong Huaxintao Group Co.، Ltd. كومپانياسى اراسىندا تاۋ-كەن جانە مەتاللۋرگيا ونەركاسىبىنىڭ قاتتى مينەرالدى قالدىقتارىن ەكولوگيالىق تازا كادەگە جاراتۋ جانە قايتا وڭدەۋ جوباسىن جۇزەگە اسىرۋ بويىنشا بەس جىلدىق ىنتىماقتاستىق تۋرالى مەموراندۋمعا قول قويىلدى،- دەپ حابارلايدى Dalanews.kz
جوبا اياسىندا وندىرىستىك قالدىقتاردى قايتا وڭدەپ، پايدالى كومپونەنتتەردى الۋ ءۇشىن زاماناۋي تەحنولوگيالاردى ەنگىزۋ كوزدەلگەن.
وبلىس اكىمى نۇرىمبەت ساقتاعانوۆ اتاپ وتكەندەي، شىعىس قازاقستان مينەرالدى رەسۋرستارعا باي ءوڭىر، سوندىقتان مۇنداي باستامالار ەكولوگيالىق ماسەلەلەردى شەشۋگە جانە ورنىقتى «جاسىل» ەكونوميكانى قۇرۋعا باعىتتالعان ماڭىزدى قادام بولىپ تابىلادى.
تاراپتار جوبانى حالىقارالىق ستاندارتتار مەن قازاقستان زاڭناماسىنا سايكەس جۇزەگە اسىرۋعا كەلىستى. مەموراندۋمدا جەرگىلىكتى مامانداردى باسىمدىقپەن جۇمىسقا الۋ، ينفراقۇرىلىمدى دامىتۋ جانە بيزنەستىڭ الەۋمەتتىك جاۋاپكەرشىلىگىنە ەرەكشە كوڭىل بولىنگەن.
قىتايلىق ارىپتەستەردىڭ جابدىقتارى مەن تەحنولوگيالارى قورشاعان ورتاعا تەحنوگەندىك جۇكتەمەنى ازايتىپ قانا قويماي، جاڭا جۇمىس ورىندارىن اشۋعا جانە قازاقستان مەن جۇڭگو اراسىنداعى ترانسشەكارالىق ىنتىماقتاستىقتى نىعايتۋعا مۇمكىندىك بەرەدى.
