Shyǵys Qazaqstan oblysynyń ákimi Nurymbet Saqtaǵanov QHR-dyń ekologiialyq sheshimder salasyndaǵy halyqaralyq kóshbasshylarynyń biri – «CITIC Environment Investment Group» kompaniiasymen yntymaqtastyq týraly memorandýmǵa qol qoidy, – dep habarlaidy Dalanews.kz
«Bolashaqta bul áriptestik kárizdik tazartý nysandaryn jańǵyrtýǵa, qaldyqtarmen jumys isteý salasyna jańa tehnologiialardy engizýge jáne tabiǵi resýrstardy utymdy paidalanýdyń turaqty úlgilerin iske asyrýǵa baǵyttalǵan. Eki eldiń memlekettik qoldaý sharalaryn paidalana otyryp júzege asyrylatyn bul yntymaqtastyq ekologiialyq qaýipsizdik pen shyǵysqazaqstandyqtardyń ómir sapasyn arttyrýǵa taǵy bir qadam bolmaq», – dedi oblys ákimi.
Yntymaqtastyqtyń alǵashqy kezeńinde óńir ortalyǵynda pilottyq joba – Sol jaǵalaýdaǵy kárizdik tazartý qurylystaryn qaita jańǵyrtý jumystary júrgizilip, sondai-aq, qatty turmystyq qaldyqtardy óńdeitin zaýyttyń qurylysy júzege asyrylatyn bolady.
