شىعىس قازاقستان وبلىسىنىڭ اكىمى نۇرىمبەت ساقتاعانوۆ قحر-دىڭ ەكولوگيالىق شەشىمدەر سالاسىنداعى حالىقارالىق كوشباسشىلارىنىڭ ءبىرى – «CITIC Environment Investment Group» كومپانياسىمەن ىنتىماقتاستىق تۋرالى مەموراندۋمعا قول قويدى، – دەپ حابارلايدى Dalanews.kz
«بولاشاقتا بۇل ارىپتەستىك كارىزدىك تازارتۋ نىساندارىن جاڭعىرتۋعا، قالدىقتارمەن جۇمىس ىستەۋ سالاسىنا جاڭا تەحنولوگيالاردى ەنگىزۋگە جانە تابيعي رەسۋرستاردى ۇتىمدى پايدالانۋدىڭ تۇراقتى ۇلگىلەرىن ىسكە اسىرۋعا باعىتتالعان. ەكى ەلدىڭ مەملەكەتتىك قولداۋ شارالارىن پايدالانا وتىرىپ جۇزەگە اسىرىلاتىن بۇل ىنتىماقتاستىق ەكولوگيالىق قاۋىپسىزدىك پەن شىعىسقازاقستاندىقتاردىڭ ءومىر ساپاسىن ارتتىرۋعا تاعى ءبىر قادام بولماق»، – دەدى وبلىس اكىمى.
ىنتىماقتاستىقتىڭ العاشقى كەزەڭىندە ءوڭىر ورتالىعىندا پيلوتتىق جوبا – سول جاعالاۋداعى كارىزدىك تازارتۋ قۇرىلىستارىن قايتا جاڭعىرتۋ جۇمىستارى جۇرگىزىلىپ، سونداي-اق، قاتتى تۇرمىستىق قالدىقتاردى وڭدەيتىن زاۋىتتىڭ قۇرىلىسى جۇزەگە اسىرىلاتىن بولادى.
