Shyǵys Qazaqstan oblystyq filarmoniiasynda «Qarjylyq qaýipsizdik boiynsha QUIZ» atty aýqymdy intellektýaldy oiyn ótti. Bul aimaqtaǵy jetekshi joǵary oqý oryndarynyń stýdentterin biriktirgen bilim berý saiysy, – dep habarlaidy Dalanews.kz ShQO ákiminiń baspasóz qyzmetine silteme jasap.
Intellektýaldy jarysqa S. Amanjolov atyndaǵy ShQÝ (MUGALIM BOYS, Parasyz profi, Qarjy sarapshylary, Piramida) D.Serikbaev atyndaǵy ShQTÝ (Shyǵys Eshelony, Qarjy qalqany), QAEÝ (FinIQ), sondai-aq oblystyq jastar resýrstyq ortalyǵynyń (Jastar.kz) komandalary qatysty. Jastar jeke qarjy jáne kapitaldy qorǵaý salasyndaǵy eń úzdik bilgirler ataný úshin baq synasty.
Sharany uiymdastyrýshylar — ShQO Ekonomikalyq tergep-tekserý departamenti jáne S. Amanjolov atyndaǵy ShQÝ.
- «Qarjylyq qaýipsizdik boiynsha QUIZ» jeke qarjylar, investitsiialar, qarjylyq táýekelderden qorǵaý, saqtandyrý negizderi jáne bank qyzmetteri siiaqty taqyryptar boiynsha 100-den astam suraqtan turady. Bul oiyn jastarǵa jeke qarjylaryn basqarý daǵdylaryn qyzyqty oiyn túrinde damytýǵa kómektesedi, - dedi S. Amanjolov atyndaǵy ShQÝ rektory Muhtar Tólegen.
Shara sońynda jeńimpazdardy saltanatty túrde marapattaý rásimi ótti. Intellektýaldy QUIZ-diń kóshbasshylary diplomdar men qundy syilyqtarmen marapattaldy.
1 oryn — Parasyz profi (ShQÝ) — 200 000 teńge.
2 oryn — Qarjy sarapshylary (ShQÝ) — 150 000 teńge.
3 oryn — Mugalim boys (ShQÝ) — 100 000 teńge.
Sondai-aq, illiýstratsiia kórmesine qatysýshylar arasynda oryndar taǵaiyndaldy:
1 oryn — Eleýkenova Shuǵyla, Aǵlanova Juldyz, 1 kýrs, Sot jáne prokýrorlyq qyzmet, S. Amanjolova atyndaǵy ShQÝ— 200 000 teńge.
2 oryn — Qalieva Aiym, ekonomika, 1 kýrs, D.Serikbaev atyndaǵy ShQTÝ — 150 000 teńge.
3 oryn — Mýhametkarimova Merýert, Profildi oqytý, kórkem eńbek jáne grafika, 1 kýrs, S. Amanjolova atyndaǵy ShQÝ— 100 000 teńge.
Aita ketý kerek, 11 qatysýshy túrli nominatsiialar boiynsha 50 000 teńge aldy.
