Shyǵys Qazaqstannyń eki qalasy úshin barlyǵy 2856 konteiner jáne 12 jańa qoqys tasyǵysh satyp alyndy. Aita keteiik, biyl ShQO jáne Semei qalasynyń ákimdigi Eýropa qaita qurý jáne damý bankimen qarjylandyrý týraly kelisimge qol qoiǵan bolatyn. Atalǵan jobany júzege asyrýǵa 17 mlrd teńgeden astam qarjy bólindi. Biyldan bastap qala turǵyndary qatty turmystyq qaldyqtardy tógýge arnalǵan konteinerlerdi basqasha paidalanatyn bolady.
Óńirde QTQ-ny bólek jinaý úsh fraktsiia boiynsha júzege asyrylady: «jeńil» plastikti, qaǵazdy jáne metaldy, «aýyr» – shynyny, «dymqyl» –qaita óńdelmeitin qaldyqtar tastalynady.
– Búgin Eýropa qaita qurý jáne damý bankimen jáne «Operator ÓKM» JShS-men birlesken jumysymyzdyń kezekti nátijesin kórip otyrsyzdar. Tapsyrma tiimdi oryndaldy. Osylaisha, Óskemen jáne Semei qalalarynda 100 myń tonnadan qatty jáne basqa da qoqys túrleri qaita óńdeletin bolady. Qazirgi ýaqytta adamdarǵa qoqysty bólek konteinerlerge durys suryptaýdy nasihattaý mańyzdy, bul ekologiialyq mádenietke taǵy bir jaqyndatý bolady, ol úshin jaǵdai jasalǵan, – dep atap ótti ShQO ákimi Danial Ahmetov. – Óz kezegimizde, biz Óskemen men Semei turǵyndary úshin tariftik mólsherleme 2023 jyldan keiin tiimdi ári yńǵaily bolýy tiisti jumystardy júrgizýdemiz.
– Jarty jyldan astam ýaqyt boiy biz "jasyl mektep" jobasyn ázirledik. Sońǵy bir jarym jyl ishinde mektep oqýshylarynyń ata-analaryna balalardyń qoqys tastaityn konteinerlermen qalai jumys isteý kerektigin túsindirip kelemiz. Ashanada, sportzalda jáne dálizderde qol qoiylǵan úsh kishkene konteiner bar. Sabaqtan keiin biz mektep avtobýsyna otyryp, qoqysty qaita óńdeý zaýyttaryna, al qaita óńdelmeitinderin poligonǵa aparamyz. Biz alty tonnaǵa jýyq makýlatýrany, sondai-aq bes tonna plastikti tapsyrdyq. Berilgen aqshaǵa muǵalimdermen birge muqtaj jandarǵa azyq – túlik jiyntyǵyn satyp aldyq, olardy erteń "igi ister" marafony aiasynda taratýdy josparlap otyrmyz, – dedi Semei qalasynyń "№ 3 orta mektebiniń oqýshysy Manas Marat.
Óskemen qalasy úshin ÓKM Operatorynyń qarajaty esebinen "jeńil" qaitalama shikizatty jinaý úshin sary tústi 760 plastik konteiner jáne qaldyqtarǵa arnalǵan qońyraý úlgisindegi 514 kók konteiner satyp alyndy.
Semeide «jeńil» qaitalama shikizatty jinaý úshin 1050 torly konteiner jáne shyny synyqtary úshin 532 konteiner ornatylady. Qaita óńdeýge qaitalama shikizatty jekelegen qoqys tasyǵyshtar áketetin bolady.
