Shyǵys Qazaqstan oblysynyń ákimi Nurymbet Saqtaǵanov Qazaqstan Respýblikasyndaǵy Ózbekstan Respýblikasynyń Tótenshe jáne Ókiletti Elshisi Bahtiior Ibragimovpen kezdesti,- dep habarlaidy Dalanews.kz
Kezdesý barysynda Shyǵys Qazaqstan oblysy men Ózbekstan arasyndaǵy yntymaqtastyqtyń aldaǵy perspektivalary, ásirese agroónerkásiptik keshen men týrizm salasyndaǵy ózara is-qimyl máseleleri talqylandy. Atap aitqanda, týrizm salasynda osy maýsymda Óskemen – Tashkent – Samarqand – Buhara baǵytyndaǵy poiyz baǵyty qaita jandanady, sondai-aq oblys ortalyǵynan Ózbekstanǵa tikelei áýe reisteri ashylady. Óz kezeginde, ózbekstandyq tarap óz elindegi tanymal týristik baǵyttar týraly aqparatpen bólisti.
Agroónerkásiptik keshen salasynda Shyǵys Qazaqstannan Ózbekstanǵa ósimdik maiy men bal eksportyn ulǵaitý baǵytynda jańa múmkindikter ashylýda.
Iskerlik áriptestiktiń ózge de baǵyttarynyń qatarynda – Ózbekstanda salynatyn AES úshin iadrolyq otyn jetkizý múmkindigi jáne óndiristik qaldyqtardy kómý men qaita óńdeý salasynda tájiribe almasý qarastyrylyp otyr.
"Konstrýktivti dialog aiasynda birqatar negizgi baǵyttar boiynsha ózara túsinistikke qol jetkizildi. Birlesken jobalardy júzege asyrý Shyǵys Qazaqstan men Ózbekstan arasyndaǵy yntymaqtastyqty jańa, strategiialyq mańyzdy deńgeige kóteredi", – dep atap ótti oblys ákimi.
Qazaqstan men Ózbekstan arasyndaǵy ekijaqty ózara is-qimyldyń negizin «Máńgilik dostyq týraly», «Strategiialyq áriptestik týraly», «Odaqtastyq qatynastar týraly» jáne «Memlekettik shekarany demarkatsiialaý týraly» halyqaralyq-quqyqtyq qujattar quraidy. Eki el arasyndaǵy qarym-qatynastyń qarqyndy damýyna memleket basshylary arasyndaǵy turaqty dialog sheshýshi ról atqarýda.
