Sonymen Ortalyq saılaý komısıasy tóraǵasynyń orynbasary Konstantın Petrovtyń aıtýynsha, saılaý ýchaskelerindegi saılaýshylar tizimderine 11 919 241 azamat engizilgen.
Berilgen búletender – 7 539 280. Belgili bolǵandaı, saıası partıalarǵa berilgen daýys sany 7 241 562-ge jetti.
Sonyń ishinde Qazaqstan Halyq partıasyna 659 019 (9,10 paıyz), «Nur Otan» partıasy – 5 148 074 (71,09%), «Aýyl» halyqtyq-demokratıalyq patrıottyq partıasy 383 023 (5,29 paıyz), Qazaqstannyń «Aq jol» demokratıalyq partıasy – 792 828 (10,95 paıyz), «ADAL» saıası partıasy 258 618 (3,57 paıyz) daýys jınady.
QR Ortalyq saılaý komısıasy saılaý nátıjesinde úsh saıası partıanyń ıe bolǵan depýtattyq mandat sanyn jarıa etti. OSK jarıalaǵan saılaý qorytyndysy boıynsha Májilistegi depýtattyq mandanttar bylaı bólindi: «Nur Otan» partıasy – 76 mandat, Qazaqstannyń «Aq jol» demokratıalyq partıasy –12 mandat, Qazaqstan Halyq partıasyna – 10 mandat.
Eske salaıyq, saılaýda Qazaqstan Halyq partıasy 9,10 paıyz, «Nur Otan» partıasy – 71,09 paıyz, «Aýyl» halyqtyq-demokratıalyq patrıottyq partıasy 5,29 paıyz, Qazaqstannyń «Aq jol» demokratıalyq partıasy – 10,95 paıyz, «ADAL» saıası partıasy 3,57 paıyz daýys jınaǵan edi. Keshe QR Ortalyq saılaý komısıasy 10 qańtar kúni ótken QR Parlamenti Májilisi depýtattaryn saılaýda saıası partıalar jınaǵan daýystardyń aldyn ala qorytyndysyn jarıa etken bolatyn.
