Almaty qalasy boiynsha QMA departamenti alty mikroqarjy uiymnyń zańsyz áreketterin áshkereledi, – dep habarlaidy Dalanews.kz.
Olar:
- Creditum MQU,
- Sofi Finance MQU,
- Hava Finance MQU,
- SF Offline MQU,
- POS Credit MQU,
- "Sálem Kredit" MQU.
Bul uiymdardyń basshylyǵyna alaiaqtyq jáne zańsyz kásipkerlik boiynsha tergeý júrgizilip jatyr.
"Olar tólemderi keshiktirilgen qaryz alýshylardy KOKE.KZ, TENGO.KZ, HAVA.KZ platformalary arqyly seriktes kompaniialarmen kepildik sharttaryn jasaýǵa májbúrlegen", - dep jazylǵan habarlamada.
Bul rette kepil berýshiniń jaýapkershiligi tek qaryz alýshy qaitys bolǵan jaǵdaida kúshine engen. Bul qyzmet úshin bastapqy nesie somasynan birneshe ese asyp túsetin tólemder alyp, azamattardy qaryzǵa batyrǵan.
Nátijesinde qaryz alýshylar nesieniń bastapqy somasynan 3-5 ese kóp tólem jasaýǵa májbúr bolǵan.
"Qaryz alýshy Sh. 120 myń teńge nesie alyp, negizgi qaryz ben paiyzdardy qospaǵanda tek kepil úshin 446 myń teńge tólegen. Osylaisha mikroqarjy uiymdarynyń negizgi tabysy jalǵan kepildik sharttary boiynsha tólemderden túsken", - dep jazylǵan habarlamada.
Bul zańsyz áreketterden jalpy somasy 30 mlrd teńge kóleminde shyǵyn kelgen. Tergeý jalǵasyp jatyr.
