Solar qaı memlekettiń atynan jarysqa bara jatqanyn da bilmeıdi-aý dep keıde tań qalamyn da. On aýyz oryssha bilgennen góri qazaqsha úırengeni aıyp pa?
Osy eldiń nany jaqsy, medali myqty, aqshasy tipti tátti. Al, tili nege ashshy bolýy kerek? Men sony túsine almaı-aq qoıdym. Til úırený qıyn emes qoı.
Máselen, Anglıaǵa nemese Ispanıaǵa aparyp tastasa on sóz aıtamyz. Bir aıdan keıin nan surap jerlik tilin táp-táýir meńgerip alamyz. Óıtkeni bul májbúrlik. Bizdiń elde til úırenýge májbúrlik joq. Sondyqtan da olar úırengisi kelmeıdi. Biraq olarǵa «bularyń uıat qoı» dep eshkim eskertpeıdi. Eldiń namysyn qorǵaıtyn sportshylarda ulttyq sana bolmaıynsha alar asý alasalaý bolyp qala beredi-aý.
P.S. Serik Sapıev Londonda oqýǵa túsken jyly aǵylshyn tilin úırendi. Samat Smaqov Túrkıada oınaǵan 6 aı ýaqyt ishinde túrik tilin úırendi.
Amangeldi Seıithan, sport komentatory
