Ó.Shókeev túrkistandyq dańqty sportshylarǵa qurmet kórsetti
Olardyń qatarynda bokstan QR eńbegi sińgen jattyqtyrýshy Myrzaǵali Aitjanov, Toǵyzqumalaqtan QR eńbegi sińgen jattyqtyrýshy Kamila Kópbaeva, bokstan QR halyqaralyq dárejedegi sport sheberi, Aziia chempiony Bek Nurmaǵanbet, Toǵyzqumalaqtan QR eńbegi sińgen sport sheberi Ásel Dalieva, Toǵyzqumalaqtan QR halyqaralyq dárejedegi sport sheberi, Álem chempiony Lina Karimova jáne toǵyzqumalaqtan sport sheberi, Álem chempionatynyń kúmis júldegeri Saiat Jandarbek bar.
Biyl sáýir aiynda Túrkiianyń Antaliia qalasynda ótken Álem chempionatynda toǵyzqumalaqtan jarysqa túsken jerlesterimiz sátti óner kórsete bildi. Jiyrmaǵa jýyq elden sportshylar qatysqan dúbirli básekede Túrkistan oblysynyń sportshylary 2 altyn jáne 2 kúmis medalǵa qol jetkizdi. Atap aitsaq, Ásel Dálieva bir altyn jáne bir kúmis medalǵa ielik etse, Lina Karimova da el qorjynyna altyn júlde saldy. Al Jandarbek Saiat kúmis medaldy jeńip aldy. Osylaisha, oblysymyzdyń 2 óreni álem chempiony atanyp otyr.
Sonymen qatar Tailandtyń Bankok qalasynda uiymdastyrylǵan bokstan eresekter arasyndaǵy Aziia chempionatynda túrkistandyq Bek Nurmaǵanbet jeńimpaz atanǵan bolatyn.
Oblys ákimi Ómirzaq Estaiuly eldiń abyroiyn asqaqtatqan sportshylar men bilikti jattyqtyrýshylarǵa qurmet kórsetip, syi-syiapat jasady. Sportshylar qaýymy óńir basshysyna rizashylyqtaryn bildirip, aldaǵy bairaqty básekelerde jeńisti joldy jalǵastyrýǵa kúsh salatyndaryn jetkizdi.
Túrkistan oblysy ákiminiń baspasóz qyzmeti
