– Búgin sailaýaldy baǵdarlamany júzege asyrýdyń Jol kartasy usynylyp otyr. Bul – Memleket basshysynyń tikelei baqylaýynda turǵan tapsyrma. Sondyqtan sailaýaldy baǵdarlamany sapaly ári ýaqtyly atqarý qajet. Jol kartasyn júzege asyrý barysynda 5 jylda oblysta 40 myńǵa jýyq jańa jumys orny ashylady. 152 jańa kásiporyn ashý jáne keńeitý arqyly shaǵyn jáne orta biznes sýbektileriniń sany 350 myńǵa jaqyndaidy. Aýyl sharýashylyǵyna qoldaý kúsheiedi. 53 ferma, 900 mal bordaqylaý alańy qurylady. Bes jylda 21 myńnan astam páter el igiligine beriledi. Jol kartasy Túrkistan oblysyndaǵy eń ózekti máselelerdi sheshedi. Partiialastarǵa, jergilikti jaýapty basshylarǵa osy tapsyrmalardy júieli oryndaýdy tapsyramyn. Barshańyzdy halyq aldyndaǵy amanatqa adal bolýǵa, elge shyn nietpen qyzmet etýge shaqyramyn!, – dedi Ómirzaq Shókeev.
Partiianyń Túrkistan oblysyna arnalǵan 5 jyldyq jol kartasynda eldiń usynys-tilekteri eskerilgen. «Nur Otan» partiiasynyń 2021-2025 jyldarǵa arnalǵan sailaýaldy baǵdarlamasyna sáikes, oblysta aýyl sharýashylyǵy, týrizm, investitsiia tartý, aimaqtardy órkendetý, densaýlyq saqtaý, bilim, infraqurylym, qurylys salalaryn damytý, jańa jumys oryndaryn ashý baǵyttaryna basymdyq berilgen. Sonymen birge Túrkistan qalasyn túrki áleminiń rýhani-mádeni ortalyǵyna ainaldyrý mindeti de kórinis tapqan.
– Elbasy, Partiia Tóraǵasy Nursultan Nazarbaevtyń tapsyrmasyna orai, partiiany qaita jańǵyrtý jumystary atqaryldy. Sailaýaldy baǵdarlamamyz qabyldanyp, jol kartasy talqylaýǵa usynyldy. Osy jospar negizinde Túrkistan oblysynyń árbir aýdan, qalasyn, eldi mekenderin jan-jaqty damytý kózdelip otyr. Jol kartasynyń árbir tarmaǵyna jaýapty depýtattar bekitilgen. 2025 jylǵa deiin Túrkistan oblysynda 111 meditsinalyq nysan, 266 mektep, 15 balabaqsha, 236 sport, 27 mádeniet nysany salynady. «Nur Otan» partiiasynyń fraktsiiasy osy jobalardyń júzege asyrylýyna tikelei atsalysady, – deidi Beisen Dáýletuly.
Májiliske qatysqan fraktsiia músheleri partiianyń sailaýaldy baǵdarlamasyn júzege asyrýǵa arnalǵan jol kartasyn bir aýyzdan qoldady. Túrkistan oblysy boiynsha «Nur Otan» partiiasynyń «Ózgerister joly: Ár azamatqa laiyqty ómir!» 2025 jylǵa deiingi sailaýaldy baǵdarlamasyn oryndaý jónindegi jol kartasy partiianyń oblystyq Saiasi keńes biýrosyna bekitýge usynyldy.
Jol kartasyna arqyly 2025 jylǵa deiin Túrkistan oblysynda 214 týristik nysan salynady. Osy arqyly óńirimizge kelýshiler sany 1,5 esege artyp, 2 millionǵa jetedi degen jospar bar. Bes jylda oblysta 5656,11 shaqyrym jol jóndeledi. 2300 shaqyrymǵa jýyq taza aýyz sý júiesi júrgiziledi.
Túrkistan oblysy ákiminiń baspasóz qyzmeti
