– بۇگىن سايلاۋالدى باعدارلامانى جۇزەگە اسىرۋدىڭ جول كارتاسى ۇسىنىلىپ وتىر. بۇل – مەملەكەت باسشىسىنىڭ تىكەلەي باقىلاۋىندا تۇرعان تاپسىرما. سوندىقتان سايلاۋالدى باعدارلامانى ساپالى ءارى ۋاقتىلى اتقارۋ قاجەت. جول كارتاسىن جۇزەگە اسىرۋ بارىسىندا 5 جىلدا وبلىستا 40 مىڭعا جۋىق جاڭا جۇمىس ورنى اشىلادى. 152 جاڭا كاسىپورىن اشۋ جانە كەڭەيتۋ ارقىلى شاعىن جانە ورتا بيزنەس سۋبەكتىلەرىنىڭ سانى 350 مىڭعا جاقىندايدى. اۋىل شارۋاشىلىعىنا قولداۋ كۇشەيەدى. 53 فەرما، 900 مال بورداقىلاۋ الاڭى قۇرىلادى. بەس جىلدا 21 مىڭنان استام پاتەر ەل يگىلىگىنە بەرىلەدى. جول كارتاسى تۇركىستان وبلىسىنداعى ەڭ وزەكتى ماسەلەلەردى شەشەدى. پارتيالاستارعا، جەرگىلىكتى جاۋاپتى باسشىلارعا وسى تاپسىرمالاردى جۇيەلى ورىنداۋدى تاپسىرامىن. بارشاڭىزدى حالىق الدىنداعى اماناتقا ادال بولۋعا، ەلگە شىن نيەتپەن قىزمەت ەتۋگە شاقىرامىن!، – دەدى ءومىرزاق شوكەيەۆ.
جيىندا تۇركىستان وبلىسىنىڭ ستراتەگيا جانە ەكونوميكالىق دامۋ باسقارماسى باسشىسىنىڭ مىندەتىن اتقارۋشى كۇمىسبەك جاپپاروۆتىڭ بايانداماسى تىڭدالدى. ول جول كارتاسىنداعى نەگىزگى ينديكاتورلار مەن جوسپارلاردى بايانداپ بەردى.
پارتيانىڭ تۇركىستان وبلىسىنا ارنالعان 5 جىلدىق جول كارتاسىندا ەلدىڭ ۇسىنىس-تىلەكتەرى ەسكەرىلگەن. «Nur Otan» پارتياسىنىڭ 2021-2025 جىلدارعا ارنالعان سايلاۋالدى باعدارلاماسىنا سايكەس، وبلىستا اۋىل شارۋاشىلىعى، تۋريزم، ينۆەستيسيا تارتۋ، ايماقتاردى وركەندەتۋ، دەنساۋلىق ساقتاۋ، ءبىلىم، ينفراقۇرىلىم، قۇرىلىس سالالارىن دامىتۋ، جاڭا جۇمىس ورىندارىن اشۋ باعىتتارىنا باسىمدىق بەرىلگەن. سونىمەن بىرگە تۇركىستان قالاسىن تۇركى الەمىنىڭ رۋحاني-مادەني ورتالىعىنا اينالدىرۋ مىندەتى دە كورىنىس تاپقان.
وسى جانە وزگە دە جوسپارلار تۋرالى پارتيانىڭ وبلىستىق فيلالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ بايانداپ بەردى. ونىڭ ايتۋىنشا، فراكسياداعى 37 دەپۋتاتقا جول كارتاسىنىڭ سالالارى بويىنشا ناقتى مىندەتتەر جۇكتەلگەن.
– ەلباسى، پارتيا ءتوراعاسى نۇرسۇلتان نازاربايەۆتىڭ تاپسىرماسىنا وراي، پارتيانى قايتا جاڭعىرتۋ جۇمىستارى اتقارىلدى. سايلاۋالدى باعدارلامامىز قابىلدانىپ، جول كارتاسى تالقىلاۋعا ۇسىنىلدى. وسى جوسپار نەگىزىندە تۇركىستان وبلىسىنىڭ ءاربىر اۋدان، قالاسىن، ەلدى مەكەندەرىن جان-جاقتى دامىتۋ كوزدەلىپ وتىر. جول كارتاسىنىڭ ءاربىر تارماعىنا جاۋاپتى دەپۋتاتتار بەكىتىلگەن. 2025 جىلعا دەيىن تۇركىستان وبلىسىندا 111 مەديسينالىق نىسان، 266 مەكتەپ، 15 بالاباقشا، 236 سپورت، 27 مادەنيەت نىسانى سالىنادى. «Nur Otan» پارتياسىنىڭ فراكسياسى وسى جوبالاردىڭ جۇزەگە اسىرىلۋىنا تىكەلەي اتسالىسادى، – دەيدى بەيسەن داۋلەت ۇلى.
ماجىلىسكە قاتىسقان فراكسيا مۇشەلەرى پارتيانىڭ سايلاۋالدى باعدارلاماسىن جۇزەگە اسىرۋعا ارنالعان جول كارتاسىن ءبىر اۋىزدان قولدادى. تۇركىستان وبلىسى بويىنشا «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» 2025 جىلعا دەيىنگى سايلاۋالدى باعدارلاماسىن ورىنداۋ جونىندەگى جول كارتاسى پارتيانىڭ وبلىستىق ساياسي كەڭەس بيۋروسىنا بەكىتۋگە ۇسىنىلدى.
جول كارتاسىنا ارقىلى 2025 جىلعا دەيىن تۇركىستان وبلىسىندا 214 تۋريستىك نىسان سالىنادى. وسى ارقىلى وڭىرىمىزگە كەلۋشىلەر سانى 1،5 ەسەگە ارتىپ، 2 ميلليونعا جەتەدى دەگەن جوسپار بار. بەس جىلدا وبلىستا 5656،11 شاقىرىم جول جوندەلەدى. 2300 شاقىرىمعا جۋىق تازا اۋىز سۋ جۇيەسى جۇرگىزىلەدى.
تۇركىستان وبلىسى اكىمىنىڭ باسپا ءسوز قىزمەتى
