Respýblika kúnine orai Buqtyrma sý qoimasyndaǵy kópir saltanatty túrde qoldanysqa berildi. Ashylý rásimine aimaq basshysy Ermek Kósherbaev qatysyp, aitýly sharaǵa jiylǵan jurtqa izgi tilegin jetkizdi.
— Ulttyq mereke Respýblika kúnine orai tarihi sáttiń kýágeri bolyp otyrmyz. Bul kópir Prezidenttiń arnaiy tapsyrmasymen salyndy. Búgin oblystaǵy birneshe aýdandy bailanystyratyn Buqtyrma sý qoimasy arqyly ótetin Ortalyq Aziiadaǵy eń uzyn kópir ashyldy. Jańa kópir turǵyndardyń jailylyǵy men qaýipsizdigin qamtamasyz etip, elimizdegi ónerkásip, qurylys, kásipkerlik pen týristik salalardyń damýyna erekshe serpin beredi dep senemin.
Aita keterlik jait, bul kópirdi salýǵa birde-bir sheteldik kompaniia tartylǵan joq. Kópirdi «OblShyǵJol» JShS turǵyzdy. Berekeli birlik pen yntymaqtyń, árbir azamattyń eńbeginiń arqasynda elimiz tabysty damýda, – dedi Ermek Kósherbaev.
Saltanatty shara barysynda oblys ákimi Ermek Bedelbaiuly kópirdiń qurylysyna eleýli eńbek sińirgen jáne qoldaý kórsetken azamattardy marapattady. Abai oblysy ákiminiń keńesshisi Azamat Qasym, «Kúrshim» paromynyń kapitany Altai Berdikpaev, aǵa kapitany Serik Núketaev jáne basqarýshysy Qadylbek Jarmuhambetov alǵys hattarmen marapattaldy.
