Túrkiia mektepteri men JOO-laryndaǵy oqý baǵdarlamasynda "Ortalyq Aziia" ataýy "Túrkistan" terminimen almastyryldy. Muny Túrkiianyń ulttyq bilim ministri Iýsýf Tekin Ankarada jariialady, dep habarlaidy Dalanews.kz.
Vedomstvo basshysy muny túrki áleminiń birligin kúsheitý jáne imperiialyq ataýlardy alyp tastaý maqsatynda dep túsindirdi.
Ministrdiń sózinshe, jańa termin Túrkiia tarihyna tán uǵymdardy qaitarýǵa baǵyttalǵan jáne "túrki álemi" túsinigimen úilesedi.
Turkish Minute basylymy "Túrkistan" Resei, Qytai jáne Ortalyq Aziia elderiniń qazirgi shekaralary qalyptasqanǵa deiingi túrki halyqtarynyń tarihi ataýy ekenin atap ótti.
Bul termin Qazaqstan, Qyrǵyzstan, Ózbekstan, Túrikmenstan, Tájikstan, sondai-aq, Qytaidaǵy uiǵyrlar mekendeitin óńirge qatysty qoldanylady.
Aita keteiik, "Ortalyq Aziia" uǵymy XIX ǵasyrdyń sońynda eýropalyq ǵalymdar eńbekterinde paida bolǵan.
