Yntymaqtastyq týraly kelisim shartqa qol qoiý rásimine QR Ǵylym jáne joǵary bilim ministri Saiasat Nurbek, Eńbek jáne halyqty áleýmettik qorǵaý ministri Tamara Dúisenova, QR Parlamenti Májilisiniń depýtattary, Esil University qamqorshylyq keńesiniń jáne direktorlar keńesiniń músheleri, Astana qalasy JOO ókilderi, sondai-aq Esil University qyzmetkerleri men stýdentteri qatysty.
Buǵan deiin QR Ǵylym jáne joǵary bilim ministri Saiasat Nurbek Qazaqstan úshin shet el tájiribesi «ǵajaiyp múmkindik» týdyratyny týraly aityp ótken, óitkeni sońǵy kezde álemde halyq sanynyń ósýi baiqalady, sondyqtan bizdiń elimizde bilim naryǵynyń múmkindigi orasan zor. Bul bastamalar «bilim berýde oryn aýystyrý» kúsheiip, elimizdiń basqa da elder úshin bilim berý ortalyǵyna ainalýyna jaǵdai týǵyzady.
Ýniversitettiń «Menedjment», «Memlekettik mýnitsipaldy basqarý» mamandyqtary boiynsha bilim berý joǵary standartqa sai bolýyna bailanysty CMI bizdiń Esil University-di strategiialyq seriktes retinde tańdady. Osylaisha, álemdik standartqa sai bilikti basqarýshylardy daiarlaý júrgiziledi.
CMI ortalyqtary London biznes jáne qarjy mektebinde, Kembridj aimaqtyq kolledjinde, Bristol qalalyq kolledjinde, Korol ýniversitetinde (Bahrein) jáne basqada joǵarǵy oqý ornyndarynda ashylǵan.
"Kásibi sertifikattaý júiesindegi ýniversitetter: halyqaralyq deńgeige shyǵý" atty dóńgelek ústel barysynda Eńbek jáne halyqty áleýmettik qorǵaý ministri Tamara Dúisenova ulttyq biliktilik júiesin damytý sharalary jaiynda áńgimeledi. Bilim berý baǵdarlamalarynyń kásibi standarttaryn ázirleý barysynda jumys berýshilerdiń qatysýy tiis ekenin aitty.
Dóńgelek ústelge qatysýshylar basqarý jáne ekonomikalyq beiindegi baǵdarlamalardyń stýdentteri úshin CMI sertifikatyn engizý Esil University stýdentterine uiymdy tiimdi basqarý ǵana emes, sonymen qatar sertifikattalǵan menedjerlerdiń jahandyq qaýymdastyǵynyń bir bóligi bolýǵa jáne tiisinshe otandyq, álemdik eńbek naryǵynda básekege qabiletti bolýǵa múmkindik beretinin atap ótti.
