Jeke paraqshama osydan birshama ýaqyt buryn taksige mingende kórgenderimdi post qylyp jazǵan edim. Keiinnen meniń jazbam biraz adamǵa unamaǵan soń, óshirýge májbúr boldym. Biraq bireýler onyń skrin-kopiiasyn jasap, meni qazaqqa qarsy adam retinde kórsetýge tyrysty.
Birinshiden, men posty joiǵan sebebimdi túsindirsem. Postqa pikir jazǵan adamdardy qazaq ultshyldary ulttyq turǵydan kemsitti. Bul zań boiynsha qylmys bolyp sanalady. Sol adamdar ultshyldardy sotqa berýi múmkin. Sondyqtan amalsyz postymdy joidym.
Ekinshiden, men tek kórgen dúniemdi ǵana jazdym. Taksister kórip, bilip uialar degen oi boldy. Oǵyz Doǵan banktegi qazaqtardy synaǵanda ultshyldar qatty qýanyp, ony naǵyz batyr dep sanady. Al men kemshiligimizdi aitqanymda qazaqtar muny qabyldai almai, «satqyn», «orysqul» dep aiyptaǵanyn qalai túsinýge bolady?
Sonda bul qalai? Bizder taksisterdiń tərbiesiz, ústi-basy alqam-salqam, jumys oryny kir, sasyq ekenin aitpai, úndemei júre berýimiz kerek pe?
Bankte jumys isteitin qyz Oǵyz Doǵannan búkil eldiń aldynda keshirim surady. Al meniń basymnan ótken jaǵdai qazaqtardyń jekkórýshiligin týǵyzǵanyn qalai túsinýge bolady?
Meninshe, qazaqtardyń arasynda tilden basqa da məseleler men kemshilikter jetip artylady. Bul bir taksistiń basyndaǵy jaǵdai emes, elimizde mundai myńdaǵan taksist bar. Sizder de men siiaqty olarǵa syn-eskertýlerińizdi aityp júrgenderińizge senimdimin. Olar nege kóligin jóndemeidi? Erteńgi kúni bireýdiń balasyn mert etse ne dep jaýap beredi? Kóliktiń ishindegi kir men mikrob qanshama aýrý týǵyzatynyn nege oilamaidy?
Almatynyń taksisteri jol aqysyn tóleseń de, jolai kisi alýyn qoimaidy. Mundai ədet ózge elde múlde joq. Aitsań, aiypty bolasyń. Bul durys pa?
Olar ózderiniń osyndai kúige túskenin nege ózge ult ókilderinen kóredi? Kim osy shirik ideologiiany olardyń basyna salyp júrgenin bilmeimin.
Qazaqtar basyndaǵy qiyndyqty naqty bir ulttan kórýi orynsyz.
Kópshiligimiz bul qasiret úshin Keńes odaǵynyń kináli ekenin bilmeimiz.
Olarǵa qazaqtan basqa elder de repressiia men asharshylyqty bastan keshkenin aitsań, bárine orystardy kinəlap, aitqandarynan qaitpaidy.
Sonda arǵy ata-babalarymyz Abylai han, Táýke han, Tóle bi, Áiteke bi, Qazybek biler Resei patshasyna ant berip, əskerin surap jońǵar men Tsin imperiiasynan qazaq jerin qorǵap, 300 jyl tynysh ómir súrgenin qalai umytýǵa bolady?
Ultshyldarǵa aitarym qazaqtyń namysyn, tilin ózimiz mádetneit pen bilimge qulash uryp qana kóterýimiz kerek. Basqa ultqa til tigizip, ushpaqqa shyqpaimyz. Orysfobiiasymen qazaq elin masqaralai bermeiik, aǵaiyn.
Taǵyda aita ketetin jait, eger qazaq taksist meniń quqymdy buzsa, qazaq mektebinde muǵalimder balalardy ursa, qazaq jastary kóshede túkirse, boqaýyz sóz aitsa, úlkenderdi syilamasa mundai sátte únsiz qalai almaimyn. Óitkeni bul meniń azamattyq paryzym. Shyndyq qana elimizdi damytyp, órge súireitinin umytpaiyq, aǵaiyn!
Gúljan ERǴALIEVA, Feisbýktaǵy jazbasy
https://dalanews.kz/36087
