جەكە پاراقشاما وسىدان بٸرشاما ۋاقىت بۇرىن تاكسيگە مٸنگەندە كٶرگەندەرٸمدٸ پوست قىلىپ جازعان ەدٸم. كەيٸننەن مەنٸڭ جازبام بٸراز ادامعا ۇناماعان سوڭ, ٶشٸرۋگە مەجبٷر بولدىم. بٸراق بٸرەۋلەر ونىڭ سكرين-كوپيياسىن جاساپ, مەنٸ قازاققا قارسى ادام رەتٸندە كٶرسەتۋگە تىرىستى.
بٸرٸنشٸدەن, مەن پوستى جويعان سەبەبٸمدٸ تٷسٸندٸرسەم. پوستقا پٸكٸر جازعان ادامداردى قازاق ۇلتشىلدارى ۇلتتىق تۇرعىدان كەمسٸتتٸ. بۇل زاڭ بويىنشا قىلمىس بولىپ سانالادى. سول ادامدار ۇلتشىلداردى سوتقا بەرۋٸ مٷمكٸن. سوندىقتان امالسىز پوستىمدى جويدىم.
ەكٸنشٸدەن, مەن تەك كٶرگەن دٷنيەمدٸ عانا جازدىم. تاكسيستەر كٶرٸپ, بٸلٸپ ۇيالار دەگەن وي بولدى. وعىز دوعان بانكتەگٸ قازاقتاردى سىناعاندا ۇلتشىلدار قاتتى قۋانىپ, ونى ناعىز باتىر دەپ سانادى. ال مەن كەمشٸلٸگٸمٸزدٸ ايتقانىمدا قازاقتار مۇنى قابىلداي الماي, «ساتقىن», «ورىسقۇل» دەپ ايىپتاعانىن قالاي تٷسٸنۋگە بولادى?
سوندا بۇل قالاي? بٸزدەر تاكسيستەردٸڭ تəربيەسٸز, ٷستٸ-باسى القام-سالقام, جۇمىس ورىنى كٸر, ساسىق ەكەنٸن ايتپاي, ٷندەمەي جٷرە بەرۋٸمٸز كەرەك پە?
بانكتە جۇمىس ٸستەيتٸن قىز وعىز دوعاننان بٷكٸل ەلدٸڭ الدىندا كەشٸرٸم سۇرادى. ال مەنٸڭ باسىمنان ٶتكەن جاعداي قازاقتاردىڭ جەككٶرۋشٸلٸگٸن تۋعىزعانىن قالاي تٷسٸنۋگە بولادى?
مەنٸنشە, قازاقتاردىڭ اراسىندا تٸلدەن باسقا دا مəسەلەلەر مەن كەمشٸلٸكتەر جەتٸپ ارتىلادى. بۇل بٸر تاكسيستٸڭ باسىنداعى جاعداي ەمەس, ەلٸمٸزدە مۇنداي مىڭداعان تاكسيست بار. سٸزدەر دە مەن سيياقتى ولارعا سىن-ەسكەرتۋلەرٸڭٸزدٸ ايتىپ جٷرگەندەرٸڭٸزگە سەنٸمدٸمٸن. ولار نەگە كٶلٸگٸن جٶندەمەيدٸ? ەرتەڭگٸ كٷنٸ بٸرەۋدٸڭ بالاسىن مەرت ەتسە نە دەپ جاۋاپ بەرەدٸ? كٶلٸكتٸڭ ٸشٸندەگٸ كٸر مەن ميكروب قانشاما اۋرۋ تۋعىزاتىنىن نەگە ويلامايدى?
الماتىنىڭ تاكسيستەرٸ جول اقىسىن تٶلەسەڭ دە, جولاي كٸسٸ الۋىن قويمايدى. مۇنداي əدەت ٶزگە ەلدە مٷلدە جوق. ايتساڭ, ايىپتى بولاسىڭ. بۇل دۇرىس پا?
ولار ٶزدەرٸنٸڭ وسىنداي كٷيگە تٷسكەنٸن نەگە ٶزگە ۇلت ٶكٸلدەرٸنەن كٶرەدٸ? كٸم وسى شٸرٸك يدەولوگييانى ولاردىڭ باسىنا سالىپ جٷرگەنٸن بٸلمەيمٸن.
قازاقتار باسىنداعى قيىندىقتى ناقتى بٸر ۇلتتان كٶرۋٸ ورىنسىز.
كٶپشٸلٸگٸمٸز بۇل قاسٸرەت ٷشٸن كەڭەس وداعىنىڭ كٸنەلٸ ەكەنٸن بٸلمەيمٸز.
ولارعا قازاقتان باسقا ەلدەر دە رەپرەسسييا مەن اشارشىلىقتى باستان كەشكەنٸن ايتساڭ, بەرٸنە ورىستاردى كٸنəلاپ, ايتقاندارىنان قايتپايدى.
سوندا ارعى اتا-بابالارىمىز ابىلاي حان, تەۋكە حان, تٶلە بي, ەيتەكە بي, قازىبەك بيلەر رەسەي پاتشاسىنا انت بەرٸپ, əسكەرٸن سۇراپ جوڭعار مەن تسين يمپەريياسىنان قازاق جەرٸن قورعاپ, 300 جىل تىنىش ٶمٸر سٷرگەنٸن قالاي ۇمىتۋعا بولادى?
ۇلتشىلدارعا ايتارىم قازاقتىڭ نامىسىن, تٸلٸن ٶزٸمٸز مەدەتنەيت پەن بٸلٸمگە قۇلاش ۇرىپ قانا كٶتەرۋٸمٸز كەرەك. باسقا ۇلتقا تٸل تيگٸزٸپ, ۇشپاققا شىقپايمىز. ورىسفوبيياسىمەن قازاق ەلٸن ماسقارالاي بەرمەيٸك, اعايىن.
تاعىدا ايتا كەتەتٸن جايت, ەگەر قازاق تاكسيست مەنٸڭ قۇقىمدى بۇزسا, قازاق مەكتەبٸندە مۇعالٸمدەر بالالاردى ۇرسا, قازاق جاستارى كٶشەدە تٷكٸرسە, بوقاۋىز سٶز ايتسا, ٷلكەندەردٸ سىيلاماسا مۇنداي سەتتە ٷنسٸز قالاي المايمىن. ٶيتكەنٸ بۇل مەنٸڭ ازاماتتىق پارىزىم. شىندىق قانا ەلٸمٸزدٸ دامىتىپ, ٶرگە سٷيرەيتٸنٸن ۇمىتپايىق, اعايىن!
گٷلجان ەرعاليەۆا, فەيسبۋكتاعى جازباسى
https://dalanews.kz/36087
