Bekshın qazirgi Bas sanıtarlyq dárigerge qaraǵanda medısına ǵylymynyń kandıdaty degen dárejesi bar, ǵylymmen aı̆nalysqan adam. Ári eńbek ótili Esmaǵambetovadan keminde on jylǵa artyq. Sonda bul kisiniń bar kinási orysshadan qateleskeni me? Óziniń ana tilinde eki sózdiń basyn quraı almaı byljyrap turatyndardyń qasynda, Bekshınniń orysshadan shatasýy keshirilmeıtindeı qandaı «kúná» eken sonda? Oryssha bilý qaı̆ zańda mindettelgen? Nege biz óz-ózimizdi orǵa jyǵa beremiz?.
Esmaǵambetovanyń qyzmetke taǵaı̆yndalǵaly beri halyq aldyna shyǵyp qazaqsha bir aýyz sóı̆legenin nemese óz salasynda qandaı̆ da bir esep bergenin kórgenderińiz bar ma? Kerisinshe, qashan kórseń J.Bekshın taldaý jasap jatady.
Óz basym bul aýys-túı̆isten eshqandaı̆ da oń sheshim kórip turǵan joqpyn. Kerisinshe, áli sol qazaq tilin kemsitý. Orys tiliniń ústemdik etip turǵanyn baı̆qatty. Bylaısha aıtqanda, qazaq tilin orys tilinine jyǵyp berdik. Boldy. Áı̆tpese, qazaqsha bilmegeni úshin qaı̆ sheneýnik jazalanyp edi? Qazaqsha bir sózi túsiniksiz Gúljan Qaraǵusova da júr jaı̆rańdap...
Qazaq tiliniń mártebesin qaǵaz júzinde ǵana qorǵap júrgen keıip tanytyp, al is júzinde orys tiliniń dáýreni júrip turǵanyn, ókinishke oraı̆ eshqaı̆sysymyz da uǵyp júrgen joqpyz.
Ertaı Núsipjanov, jýrnalıs.
Taǵy oqyńzyz:
https://dalanews.kz/51227
