Kremldiń habarlaýynsha, Resei basshysy Japarovty Qyrǵyzstan prezidenti qyzmetine kirisýimen quttyqtap, onyń "el ishindegi saiasi jaǵdaidy rettei alatynyna" senetinin aitqan.
Buǵan qosa, Pýtin kún tártibinde kóptegen másele talqylanatynyn, kezdesýler eki eldiń qarym-qatynasyn damytýǵa úles qosatynyn habarlaǵan.
Sadyr Japarov bolsa Qyrǵyzstan "Resei Federatsiiasymen áriptestikke árdaiym daiyn ekenin" aityp, Pýtindi kez kelgen ýaqytta elge resmi saparmen kelýge shaqyrdy.
Vladimir Pýtin Qyrǵyzstandaǵy orys tili mártebesine qatysty máseleni de kótergen.
"Sizdiń orys tiliniń memlekettik mártebesin saqtaǵanyńyz eki eldiń qarym-qatynasy úshin asa mańyzdy ekenin aitqym keledi. Bul bizge de, Qyrǵyzstan azamattary úshin de mańyzdy, óitkeni Reseidiń eńbek naryǵyna kirýdi jeńildetedi. Óz tarapymyzdan qyrǵyzstandyqtardyń Otanynda orys tilin úirenýge jaǵdaiǵa jasaý úshin bárin jasaimyz. Josparlar bar", - dedi Pýtin.
19 aqpanda úkimettiń "Qyrǵyzstan sózi" gazetinde Sadyr Japarovtyń maqalasy jariialandy. Onda qyrǵyz basshysy orys tili mártebesin saiasi manipýliatsiia retinde paidalanýǵa qarsy ekenin jazǵan.
Qyrǵyzstan prezidenti Sadyr Japarovtyń Máskeýge eki kúndik sapary 24 aqpanda bastaldy.
