كرەملدٸڭ حابارلاۋىنشا, رەسەي باسشىسى جاپاروۆتى قىرعىزستان پرەزيدەنتٸ قىزمەتٸنە كٸرٸسۋٸمەن قۇتتىقتاپ, ونىڭ "ەل ٸشٸندەگٸ ساياسي جاعدايدى رەتتەي الاتىنىنا" سەنەتٸنٸن ايتقان.
بۇعان قوسا, پۋتين كٷن تەرتٸبٸندە كٶپتەگەن مەسەلە تالقىلاناتىنىن, كەزدەسۋلەر ەكٸ ەلدٸڭ قارىم-قاتىناسىن دامىتۋعا ٷلەس قوساتىنىن حابارلاعان.
سادىر جاپاروۆ بولسا قىرعىزستان "رەسەي فەدەراتسيياسىمەن ەرٸپتەستٸككە ەردايىم دايىن ەكەنٸن" ايتىپ, پۋتيندٸ كەز كەلگەن ۋاقىتتا ەلگە رەسمي ساپارمەن كەلۋگە شاقىردى.
ۆلاديمير پۋتين قىرعىزستانداعى ورىس تٸلٸ مەرتەبەسٸنە قاتىستى مەسەلەنٸ دە كٶتەرگەن.
"سٸزدٸڭ ورىس تٸلٸنٸڭ مەملەكەتتٸك مەرتەبەسٸن ساقتاعانىڭىز ەكٸ ەلدٸڭ قارىم-قاتىناسى ٷشٸن اسا ماڭىزدى ەكەنٸن ايتقىم كەلەدٸ. بۇل بٸزگە دە, قىرعىزستان ازاماتتارى ٷشٸن دە ماڭىزدى, ٶيتكەنٸ رەسەيدٸڭ ەڭبەك نارىعىنا كٸرۋدٸ جەڭٸلدەتەدٸ. ٶز تاراپىمىزدان قىرعىزستاندىقتاردىڭ وتانىندا ورىس تٸلٸن ٷيرەنۋگە جاعدايعا جاساۋ ٷشٸن بەرٸن جاسايمىز. جوسپارلار بار", - دەدٸ پۋتين.
19 اقپاندا ٷكٸمەتتٸڭ "قىرعىزستان سٶزٸ" گازەتٸندە سادىر جاپاروۆتىڭ ماقالاسى جارييالاندى. وندا قىرعىز باسشىسى ورىس تٸلٸ مەرتەبەسٸن ساياسي مانيپۋلياتسييا رەتٸندە پايدالانۋعا قارسى ەكەنٸن جازعان.
قىرعىزستان پرەزيدەنتٸ سادىر جاپاروۆتىڭ مەسكەۋگە ەكٸ كٷندٸك ساپارى 24 اقپاندا باستالدى.
