Áleýmettik jelide qazaq tilin kemsitken taǵy bir kompaniia talqyǵa tústi, dep habarlaidy Dalanews.kz.
Bul týraly jýrnalist Ómirjan Ábdihalyquly Facebook paraqshasynda jazdy.
"Jarnamasy qazaq tilinde, biraq qazaq tilin jasyryn kemsitý bar. Sol arqyly sovet ókimeti kezindegi "oryssha bilmeseń, adam bolmaisyń" deitin ultty kemsitý, qor sanaý baǵytyn kórsetip tur", - deidi jýrnalist.
Bul orys tilin úiretýge arnalǵan BILIMDIBOL oqý ortalyǵynyń Instagram-daǵy jarnamasy. Kompaniia málimetinshe, olar bes jyldan beri naryqta, 100 myńnan astam qazastandyqqa orys tilin úiretipti.
Ázirge oqý ortalyǵyna eshkim "boikot" jariialamaǵan.
Aita keteiik, qazirgi ýaqytta qazaq tiline qatysty problema ózekti máseleniń birine ainalǵan. Mysaly áleýmettik jelide tanymal zańger Erjan Esimhanovtyń qazaq tilinde sóileitinderge qatysty jazbasy qyzý talqyǵa túsken bolatyn. Threads-tegi jazbadan keiin qalyń kópshilik ashyq pikir bildirip, narazylyǵyn kórsetti.
Jelidegi myna jazbadan keiin daý shyqty:
Zańger kóne tilderdegi mátinderdi qalpyna keltirip, erekshe kontent jasaityn Arum Natzorkhang esimdi bloger týraly aita kelip, sóz arasynda "bul qazaqshasóileshnikterge qaidan jetsin?" degendei mysqyldaǵan.
Halyqtyń ashyq reaktsiiasy
Jeli qoldanýshylary qazaq tili sóz bolǵan bul daýly jazbadan keiin únsiz qalmaǵan.
"Ana tilin qurmetteýge shaqyrǵandardy "Qazaqshasóileshniki" dep kemitetin qazaq bloger bar eken. Angliiada turmasa da aǵylshyn tilin sanaýly ýaqytta úirenipti. Biraq Qazaqstanda týyp-ósse de 30 jylda ana tilin meńgermegenine tań qalam", - dep jazdy jýrnalist Ǵalymjan Qaramanuly.
"Qazaqshasóileshniki" degen termindi bolyppyz. Bálkim qazaqsha sóileýdi talap etetinder "rýsskoiazychnaia sreda" ókilderine yńǵaisyzdyq týdyryp júrgen bolarmyz", - dep jazdy tanymal prodiýser Aisáýle Ábilda.
"Qazaqsha sóile degennen sonsha shoshyp, ony bir qubyjyq qylyp kórsetesiz", "Qansha aqtalsańyz da "qazaqshasóileshniki" dep kemsitkenińiz durys bolmapty", "Qazaqty kemsitpe, qazaq bala", - dedi ózge de jeli qoldanýshylary.
Sonymen qatar, Polsha elshiliginiń ýaqytsha senimdi ókili Mihal Labenda qazaq tilinde erkin sóileitini týraly jazǵan edik.
