Iá, jol kólik apaty júrgizýshilerdiń salǵyrttyǵynan oryn alady. Biraq bárine júrgizýshilerdi kinálaýǵa bolmaidy. Qazir tepse temir úzetin jigitter eki qolǵa bir jibi túzý jumys tappai, saldyrlaǵan orys pen ózbektiń kóligin minip taksishylyq qylyp júrgeni jasyryn emes.
Bul rette elimizde ne durys óndiris orynyn quryp, ne elge sapaly, jaily kólik ákelýdiń rettei almaǵan Úkimettiń kinási taýdai.
30 jyldan beri «zaýyt, fabrikalar qashan salynady» dep aita-aita jaǵymyz taldy. Ony taǵy qaitalaýdyń jóni joq.
Al jibi túzý kólikterdi elge kirgizýge bolady ǵoi. Bizdiń Úkimet nege sony istemeidi?
Myna Eýraziialyq Odaq degen basymyzǵa sor bolady. Elge bir zatty kirgizip, ne shyǵaratyn bolsaq orystarmen aqyldasyp, keńesetin boldyq.
Smailov Úkimeti: «Halyq sapasyz kólik minip, kúre joldyń boiynsha qynadai qyrylyp jatyr. Basty aýyrtpańdar, biz ýtilalymdy tómendetip, elge kólik kirgizýdi jeńildetemiz» dep nege minez kórsetpeidi?
Shendilerdiń Eýraziialyq odaqtyń jiyndarynda daýlasyp, halyqtyń múddesin qorǵap qyzyl keńirdek bolyp aitysyp jatqanyn kórmedik. Bárin bas shulǵyp, kóne ketedi. Al onyń zardabyn halyq tartýda.
Eger halyq nemis pen japonnyń sapaly kólikterin minse, barar jerine sharshamai jetip, alashapqyn bolmas edi ǵoi. Saply kólik jol apaty kezinde adamnyń da ómir saqtap qalady emes pe? Sony Úkimet nege oilamaidy? Al Nexia men Lada grantalar qalbyr sekildi drandýlet qoi.
Nurlan ÁÝBÁKIR
