ءيا، جول كولىك اپاتى جۇرگىزۋشىلەردىڭ سالعىرتتىعىنان ورىن الادى. ءبىراق بارىنە جۇرگىزۋشىلەردى كىنالاۋعا بولمايدى. ءقازىر تەپسە تەمىر ۇزەتىن جىگىتتەر ەكى قولعا ءبىر ءجىبى ءتۇزۋ جۇمىس تاپپاي، سالدىرلاعان ورىس پەن وزبەكتىڭ كولىگىن ءمىنىپ تاكسيشىلىق قىلىپ جۇرگەنى جاسىرىن ەمەس.
بۇل رەتتە ەلىمىزدە نە دۇرىس ءوندىرىس ورىنىن قۇرىپ، نە ەلگە ساپالى، جايلى كولىك اكەلۋدىڭ رەتتەي الماعان ۇكىمەتتىڭ كىناسى تاۋداي.
30 جىلدان بەرى «زاۋىت، فابريكالار قاشان سالىنادى» دەپ ايتا-ايتا جاعىمىز تالدى. ونى تاعى قايتالاۋدىڭ ءجونى جوق.
ال ءجىبى ءتۇزۋ كولىكتەردى ەلگە كىرگىزۋگە بولادى عوي. ءبىزدىڭ ۇكىمەت نەگە سونى ىستەمەيدى؟
مىنا ەۋرازيالىق وداق دەگەن باسىمىزعا سور بولادى. ەلگە ءبىر زاتتى كىرگىزىپ، نە شىعاراتىن بولساق ورىستارمەن اقىلداسىپ، كەڭەسەتىن بولدىق.
سمايلوۆ ۇكىمەتى: «حالىق ساپاسىز كولىك ءمىنىپ، كۇرە جولدىڭ بويىنشا قىناداي قىرىلىپ جاتىر. باستى اۋىرتپاڭدار، ءبىز ۋتيلالىمدى تومەندەتىپ، ەلگە كولىك كىرگىزۋدى جەڭىلدەتەمىز» دەپ نەگە مىنەز كورسەتپەيدى؟
شەندىلەردىڭ ەۋرازيالىق وداقتىڭ جيىندارىندا داۋلاسىپ، حالىقتىڭ مۇددەسىن قورعاپ قىزىل كەڭىردەك بولىپ ايتىسىپ جاتقانىن كورمەدىك. ءبارىن باس شۇلعىپ، كونە كەتەدى. ال ونىڭ زاردابىن حالىق تارتۋدا.
ەگەر حالىق نەمىس پەن جاپوننىڭ ساپالى كولىكتەرىن مىنسە، بارار جەرىنە شارشاماي جەتىپ، الاشاپقىن بولماس ەدى عوي. ساپلى كولىك جول اپاتى كەزىندە ادامنىڭ دا ءومىر ساقتاپ قالادى ەمەس پە؟ سونى ۇكىمەت نەگە ويلامايدى؟ ال Nexia مەن لادا گرانتالار قالبىر سەكىلدى دراندۋلەت قوي.
نۇرلان اۋباكىر
