OrdaMed AQ basqarma tóraǵasy Erkin Dilimbetovke izdeý jariialandy, dep habarlaidy Dalanews.kz.
Bul týraly Bas prokýratýranyń Quqyqtyq statistika jáne arnaiy esepke alý organdarynyń portalynda aqparat jariialandy.
Baǵdarlama deregine sáikes, Erkin Dilimbetovke qatysty izdestirý isi keshe, 28 qańtarda Astanada tirkelgen. Izdeýge bastamashy bolǵan - UQK. Izdestirý jumystaryn UQK-niń Sybailas jemqorlyqqa qarsy is-qimyl qyzmeti júrgizip jatyr.
Eske salaiyq, buǵan deiin Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti zańsyzdyqty áshkereledi.
UQK málimetinshe, OrdaMed AQ basshylyǵy Qazaqstan aýmaǵynda óz óndirisi bar ekeni týraly jalǵan qujattardy paidalanyp, halyqqa asa qajet 28 meditsinalyq jabdyqty memlekettik emdeý mekemelerine jeńildetilgen sharttarmen jetkizý boiynsha zańsyz preferentsiia alǵan.
"Alaida daiyn meditsinalyq jabdyq shetelden jetkizilgen. Saldarynan memleketke 4,5 mlrd teńge kóleminde zalal keldi. Tintý sharalary barysynda OrdaMed AQ basshylyǵynan quny 1 mlrd teńgeden asatyn investitsiialyq moneta tárkilendi. Interdentica, Erkin Brand jáne OrdaMed kompaniialaryndaǵy úlesterine tyiym salyndy", - dep jazylǵan habarlamada.
Sot sanktsiiasymen OrdaMed AQ-nyń tehnikalyq direktory, burynǵy basqarma tóraǵasy jáne óndiristik basqarma basshysy qamaýǵa alyndy.
