Bıylǵy oqý jylynda bir bastaýysh mektep, bir negizgi mektep jalpy orta mektep bolyp qaıta quryldy. (Dostyq bastaýysh mektebi – Dostyq jalpy orta mektebi. Á.Moldaǵulova atyndaǵy negizgi orta mektebi – Á.Moldaǵulova atyndaǵy jalpy orta mektebi)
65 mekteptiń 40 – tıptik, 25 – yńǵaılastyrylǵan, onyń ishinde 5-ýi samannan salynǵan ǵımaratta ornalasqan.
Bıylǵy jyly «Dostyq» mektebine – 600, «Tespe» mektebine – 200, Á.Moldaǵulova mektebine – 200 oryndyq jańa ǵımarattar salynyp paıdalanýǵa berildi.
Jalpy bilim beretin mektepterde qyrkúıek esebi boıynsha 30822 oqýshy bilim alady (2017 jylǵy qyrkúıekpen salystyrǵanda 1451-ge artqan). Qazaqstan Respýblıkasynyń bilim berýdi damytýdyń 2016-2019 jyldarǵa arnalǵan memlekettik baǵdarlamasynyń basty mindetteri – birinshiden, muǵalimderdi daıarlaýdyń jáne biliktiligin arttyrýdyń kóp deńgeıli júıesin iske asyrý. Bul ustaz mártebesin kóterip, oqý sapasyn jaqsartýǵa negiz bolady. Kásibı biliktiligin únemi arttyryp otyrý – ár ustazdyń mindeti. 2013-2018 oqý jyldar aralyǵynda Jalpy bilim berý uıymdary basshylarynyń baǵdarlamasy boıynsha Ordabasy aýdanynan kýrstan ótkender – 53, deńgeılik kýrstardan ótken muǵalimder - 537, jańartylǵan bilim berý mazmuny boıynsha kýrstan ótken pedagogtar – 2072. Úshtildilik boıynsha arnaıy kýrstan ótkender – 78. Robototehnıka boıynsha 39 pedagog maman arnaıy kýrstan ótti.
Dalanews.kz
