Ордабасында үш мыңға жуық педагог біліктілігін шыңдады
Биылғы оқу жылында бір бастауыш мектеп, бір негізгі мектеп жалпы орта мектеп болып қайта құрылды. (Достық бастауыш мектебі – Достық жалпы орта мектебі. Ә.Молдағұлова атындағы негізгі орта мектебі – Ә.Молдағұлова атындағы жалпы орта мектебі)
65 мектептің 40 – типтік, 25 – ыңғайластырылған, оның ішінде 5-уі саманнан салынған ғимаратта орналасқан.
Биылғы жылы «Достық» мектебіне – 600, «Теспе» мектебіне – 200, Ә.Молдағұлова мектебіне – 200 орындық жаңа ғимараттар салынып пайдалануға берілді.
Жалпы білім беретін мектептерде қыркүйек есебі бойынша 30822 оқушы білім алады (2017 жылғы қыркүйекпен салыстырғанда 1451-ге артқан). Қазақстан Республикасының білім беруді дамытудың 2016-2019 жылдарға арналған мемлекеттік бағдарламасының басты міндеттері – біріншіден, мұғалімдерді даярлаудың және біліктілігін арттырудың көп деңгейлі жүйесін іске асыру. Бұл ұстаз мәртебесін көтеріп, оқу сапасын жақсартуға негіз болады. Кәсіби біліктілігін үнемі арттырып отыру – әр ұстаздың міндеті. 2013-2018 оқу жылдар аралығында Жалпы білім беру ұйымдары басшыларының бағдарламасы бойынша Ордабасы ауданынан курстан өткендер – 53, деңгейлік курстардан өткен мұғалімдер - 537, жаңартылған білім беру мазмұны бойынша курстан өткен педагогтар – 2072. Үштілділік бойынша арнайы курстан өткендер – 78. Робототехника бойынша 39 педагог маман арнайы курстан өтті.
Dalanews.kz
