Túrkistan oblysy, Ordabasy aýdanynda aýylsharýashylyq maqsatyndaǵy jer telimin tıimdi paıdalana otyryp, eki ónim alyp júrgen aýyl jastarynyń qatary kóbeıip keledi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qara jerden rızyq-nesibesin izdegen eńbekqor jastyń biri – Qaraspan aýyldyq okrýgine qarasty Kóltoǵan aýylynyń turǵyny Úmbet Mamythan.

Bastapqyda 583 400 teńge memlkettik grant alyp, qıar ósiretin jylyjaı keshenin salǵan isker azamat, keıinnen óz qarjysymen óndiris kólemin ulǵaıtqan.

Qazirgi tańda «Mamythan Ú» JK 8 gektar alqaptan jylyna eki ret ónim alyp, tabysyn eseleı túsýde. Búginde jobalyq kuny 2 mıllıon teńgeden joǵary jylyjaı kesheninde aýyl jastary maýsymdyq jumyspen qamtylýda.

«Bir alqaptan jylyna 2-3 ónim alý» jobasy boıynsha Túrkistan oblysynda 9 myń gektarǵa jýyq alqapqa 3 myńǵa jýyq joba júzege asyrylyp, 100 myń tonnadan asatyn kókónis ónimi jınaldy.