Maqta terim naýqanyna 83 kombain jumyldyrylǵan eken. Dihandar biyl ár gektardan 23 tsentner maqta alyp otyr.
Ordabasy aýdandyq aýyl sharýashylyǵy bólimi basshysynyń orynbasary Nurlan Ábilqasymovtyń atap ótkenindei, byltyr maqta baǵasy 120-130 teńgeni qurasa, qazir 180 teńgeniń tóńireginde satylýda. Keibir maqta qabyldaý beketteri 182 teńgeden de qabyldap jatyr.
Aita keteiik, qazir aýdanda 4 maqta qabyldaý beketi jumys isteýde. Dihandar buiyrtsa, ekinshi terimge kirisedi. Byltyrǵy jyly 18 myń tonnadan astam aq altyn jinaǵan ordabasylyq dihandar biyl ónim kólemin taǵy da arttyramyz dep qulshynyp otyr.
Jalpy, Ordabasy aýdany biylǵy jyldy da aýyl sharýashylyq ónimderi boiynsha jaqsy kórsetkishtermen aiaqtady deýge negiz bar. 1995 jyldary Ońtústik Qazaqstan oblysy (qazirgi Túrkistan oblysy) boiynsha barlyq aýylsharýashylyq qurylymynyń sany 8275-ti qurasa, sonyń 158-i iaǵni 1,9 paiyzy ǵana osy Ordabasy aýmaǵyna tiesili bolypty. Sońǵy jyldary bul kórsetkish oblysta 72 417-ge jetse, búginde mundaǵy ordabasylyqtardyń úlesi 6 myńǵa jaqyndap qalypty
