ماقتا تەرىم ناۋقانىنا 83 كومباين جۇمىلدىرىلعان ەكەن. ديحاندار بيىل ءار گەكتاردان 23 سەنتنەر ماقتا الىپ وتىر.
ورداباسى اۋداندىق اۋىل شارۋاشىلىعى ءبولىمى باسشىسىنىڭ ورىنباسارى نۇرلان ءابىلقاسىموۆتىڭ اتاپ وتكەنىندەي، بىلتىر ماقتا باعاسى 120-130 تەڭگەنى قۇراسا، ءقازىر 180 تەڭگەنىڭ توڭىرەگىندە ساتىلۋدا. كەيبىر ماقتا قابىلداۋ بەكەتتەرى 182 تەڭگەدەن دە قابىلداپ جاتىر.
ايتا كەتەيىك، ءقازىر اۋداندا 4 ماقتا قابىلداۋ بەكەتى جۇمىس ىستەۋدە. ديحاندار بۇيىرتسا، ەكىنشى تەرىمگە كىرىسەدى. بىلتىرعى جىلى 18 مىڭ توننادان استام اق التىن جيناعان ورداباسىلىق ديحاندار بيىل ءونىم كولەمىن تاعى دا ارتتىرامىز دەپ قۇلشىنىپ وتىر.
جالپى، ورداباسى اۋدانى بيىلعى جىلدى دا اۋىل شارۋاشىلىق ونىمدەرى بويىنشا جاقسى كورسەتكىشتەرمەن اياقتادى دەۋگە نەگىز بار. 1995 جىلدارى وڭتۇستىك قازاقستان وبلىسى (قازىرگى تۇركىستان وبلىسى) بويىنشا بارلىق اۋىلشارۋاشىلىق قۇرىلىمىنىڭ سانى 8275ء-تى قۇراسا، سونىڭ 158ء-ى ياعني 1،9 پايىزى عانا وسى ورداباسى اۋماعىنا تيەسىلى بولىپتى. سوڭعى جىلدارى بۇل كورسەتكىش وبلىستا 72 417-گە جەتسە، بۇگىندە مۇنداعى ورداباسىلىقتاردىڭ ۇلەسى 6 مىڭعا جاقىنداپ قالىپتى
