Ordabasy aýdanynda BAQ ókilderine arnalǵan baspasóz týry ótti. Jýrnalister qaýymy birinshi kezekte "Badam" indýstrialdy aimaǵynda ornalasqan "CENTRAL ASIA ALUMINIUM COMPANY" JShS-ń jumysymen tanysty. Atalǵan kásiporynda aliýminii profilderi óndirilmek,- dep habarlaidy Dalanews.kz
Qazir tańda qurylys jumystarynyń ekinshi kezeńi júrýde. Jobanyń jalpy quny - 4,4 mlrd teńge. Onda 200 adam turaqty jumyspen qamtylatyn bolady. Jyldyq qýattylyǵy - 30 myń tonna.
Sondai-aq, sapar aiasynda BAQ ókilderi Ordabasy taýyndaǵy "Birlik" monýmentine bardy. Qazaqtyń úsh biine arnalǵan eskertkishti kórip, onyń aýmaǵynda atqarylyp jatqan abattandyrý jumystarymen tanysty. Qazirgi tańda monýment týrister úshin tanymal orynǵa ainalyp keledi. Aita ketetin jait, bul tarihi keshen demeýshiler esebinen salynǵan.
Jýrnalister baspasóz týry barysynda aýdan ortylyǵy Temirlan aýylyndaǵy "Etno aýyl" kesheninde týrizm salasyndaǵy 2 iri jobamen tanysty. Olardyń biri - elimizde teńdesi joq "AIR CRAFT" jobasy. Bul joba aiasynda Shubar aýyldyq okrýgindegi 54 gektar aýmaqta ushqyshtar daiarlaý jáne ushaqtardy shyǵarý boiynsha jumystar atqarylýda. Jobanyń jalpy quny 1,5 mlrd teńge. Atalǵan joba aiasynda 20 adam turaqty jumyspen qamtylady. Sondai-aq, aýdan ortalyǵynda bir mezette 300 adamǵa deiin qyzmet kórsetetin "Temirshi" demalys aimaǵy tanystyryldy. Atalǵan oryn jeke kásipkerdiń óz qarajatyna salynǵan. Qazirgi tańda 30 adam turaqty jumys isteýde.
