ورداباسى اۋدانىندا ب ا ق وكىلدەرىنە ارنالعان باسپا ءسوز تۋرى ءوتتى. جۋرناليستەر قاۋىمى ءبىرىنشى كەزەكتە "بادام" يندۋستريالدى ايماعىندا ورنالاسقان "CENTRAL ASIA ALUMINIUM COMPANY" جشس-ڭ جۇمىسىمەن تانىستى. اتالعان كاسىپورىندا اليۋمينيي پروفيلدەرى وندىرىلمەك،- دەپ حابارلايدى Dalanews.kz
ءقازىر تاڭدا قۇرىلىس جۇمىستارىنىڭ ەكىنشى كەزەڭى جۇرۋدە. جوبانىڭ جالپى قۇنى - 4،4 ملرد تەڭگە. وندا 200 ادام تۇراقتى جۇمىسپەن قامتىلاتىن بولادى. جىلدىق قۋاتتىلىعى - 30 مىڭ توننا.
سونداي-اق، ساپار اياسىندا ب ا ق وكىلدەرى ورداباسى تاۋىنداعى "بىرلىك" مونۋمەنتىنە باردى. قازاقتىڭ ءۇش بيىنە ارنالعان ەسكەرتكىشتى كورىپ، ونىڭ اۋماعىندا اتقارىلىپ جاتقان اباتتاندىرۋ جۇمىستارىمەن تانىستى. قازىرگى تاڭدا مونۋمەنت تۋريستەر ءۇشىن تانىمال ورىنعا اينالىپ كەلەدى. ايتا كەتەتىن جايت، بۇل تاريحي كەشەن دەمەۋشىلەر ەسەبىنەن سالىنعان.
جۋرناليستەر باسپا ءسوز تۋرى بارىسىندا اۋدان ورتىلىعى تەمىرلان اۋىلىنداعى "ەتنو اۋىل" كەشەنىندە تۋريزم سالاسىنداعى 2 ءىرى جوبامەن تانىستى. ولاردىڭ ءبىرى - ەلىمىزدە تەڭدەسى جوق "AIR CRAFT" جوباسى. بۇل جوبا اياسىندا شۇبار اۋىلدىق وكرۋگىندەگى 54 گەكتار اۋماقتا ۇشقىشتار دايارلاۋ جانە ۇشاقتاردى شىعارۋ بويىنشا جۇمىستار اتقارىلۋدا. جوبانىڭ جالپى قۇنى 1،5 ملرد تەڭگە. اتالعان جوبا اياسىندا 20 ادام تۇراقتى جۇمىسپەن قامتىلادى. سونداي-اق، اۋدان ورتالىعىندا ءبىر مەزەتتە 300 ادامعا دەيىن قىزمەت كورسەتەتىن "تەمىرشى" دەمالىس ايماعى تانىستىرىلدى. اتالعان ورىن جەكە كاسىپكەردىڭ ءوز قاراجاتىنا سالىنعان. قازىرگى تاڭدا 30 ادام تۇراقتى جۇمىس ىستەۋدە.
