Ordabasy aýdanyndaǵy Shubarsý aýylynda jeke investor esebinen 600 oryndyq jańa «Miras intellectual school» atty mektep ashyldy, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
Bilim ordasynyń ashylý saltanatyna aýdan ákimi Azat Oralbaev qatysyp, aýyldy damytýǵa óz úlesin qosqan investorǵa alǵysyn bildirdi. Sondai-aq, aýdan basshysy óz sózinde jańa mekteptiń aýylǵa tek bilim berip qana qoimai, aýyldyń áleýmettik damýyna da serpin beretinin atap ótti.
Jańa mektepte oqýshylardyń sapaly bilim alýy úshin barlyq jaǵdai jasalǵan. Ǵimaratta keń ári jaryq oqý kabinetteri, sport jáne májilis zaldary, kitaphana, pándik synyptar, ashana men demalys aimaqtary bar. Sonymen qatar, mekteptiń qaýipsizdigin qamtamasyz etý maqsatynda beinebaqylaý kameralary men órt qaýipsizdik júiesi ornatylǵan. Oqýshylardyń sportpen ainalysýy úshin ashyq sport alańdary da bar.
